Елорда төрінде мәуліт мерекесі тойланды (ФОТО+ВИДЕО)

26.11.2019 3 800 0

Елорда төрінде адамзаттың асыл тәжі Мұхаммед (оған Алланың салауаты мен сәлемі болсын) пайғамбарымыздың құрметіне орай «Ғаламның рақым нұры» атты Мәуліт кеші болып өтті.

Жексенбі күнін сүйікті пайғамбарымызға (оған Алланың салауаты мен сәлемі болсын) салауат айтып, сүйіспеншілігін білдірумен бастауды құп көрген Елорда халқы рухани кешке ерте жиналды. Әрбір келушіге таратылған аппақ шарлар мен гүлдер, рухани кітаптар салынған арнайы пакеттер бүгінгі мерекенің шуағындай болып, көңілдерге қуаныш құя түсті.

Қасиетті Құран аяттарымен бастау алған Мәуліт кеші ардақты Пайғамбарымызға (оған Алланың салауаты мен сәлемі болсын) жолданған сансыз салауаттармен берекеленді. ҚМДБ төрағасы, Бас мүфти Серікбай қажы Ораз барша мүміндердің мерейлі мерекесі – Мәуліт мейрамымен құттықтап, Әз Елшіге (оған Алланың салауаты мен сәлемі болсын) деген махаббат иманымызға қуат, жанымызға азық екенін атап өтті. Арқа төріндегі алқалы жиынға Елорда қаласының әкімі де өз ізгі тілегін жолдап, шаһар тұрғындарын мерейлі мерекемен құттықтады.

Кеш аясында елімізге белгілі қари Жұманазар Садырханов пен Арман Ғабдуллиннің қос тілде орындаған Мәуліт жырының көрермендер үшін орны бөлек болғандай. Сондай-ақ, Пайғамбарымызға (оған Алланың салауаты мен сәлемі болсын) деген сағыныштарын әнмен жеткізген Құрмаш Маханов, Бейбіт Құшқалиев, Сержанәлі Әлібек сынды өнер жұлдыздары да бүгінгі кештің шырайын кіргізе түсті. Елімізге белгілі «Өнер қырандары» театры да рухани кешке өз үлестерін қосып, көрерменге «Пайғамбарды сағыну» қойылымын ұсынды. Өнер жолын енді ғана аттаған Әмина Мұхтарқызы есімді бүлдіршіннің бүгінгі кештегі монологы талайдың көзіне жас үйіргендей. Кеш барысында ҚМДБ бөлім меңгерушісі Батыржан Мансұров Пайғамбарымыздың (оған Алланың салауаты мен сәлемі болсын) тәлімі жайында ғылыми баяндама жасап, көрерменнің кемеңгер тұлға жайындағы білімін байытты.

Мәуліт кешінің тағы бір тағылымды шарасы – дәстүрлі «Мәуліт сыйлығын» табыстау рәсімі болды. Жыл сайын дәстүрлі түрде өткізіліп келе жатқан Мәуліт кешінде ҚМДБ төрағасының бірінші орынбасары, наиб мүфти, Нұр-Сұлтан қаласының Бас имамы Наурызбай қажы Тағанұлының бастамасымен бірнеше жылдан бері арнайы «Мәуліт сыйлығы» табысталып келеді. Аталған сыйлықтың биылғы иегерлерін анықтауға жақында ғана өткен ІІІ республикалық имамдар форумында қабылданған «Қазақстан мұсылмандарының тұғырнамасы «Жеті рухани қазық» құжатында көрсетілген жеті қасиет – негізгі ұстаным болды.

Берекелі кеш барысында аталған құжатта көрсетілген имандылық, отаншылдық, ауызбіршілік, білімділік, мәдениеттілік, еңбекқорлық, аманатшылдық секілді асыл қасиеттер бойларынан көрініс тапқан абзал жандар бүгінгі кештің марапатына ие болып, халық алдында мерейлері асқақтады.

Muslim.kz

Оқырмандардың пікірі (0)

Қызықты тақырыптар

Нұр-Мүбарак студенттері садақ ату өнерімен танысты

Садақ ату – сабырды шыңдап, сананы тәрбиелейді. Ақыл-ойды дамытады. Кейде бір ай бойы шешілмей жүрген мәселе бір сағат садақ атумен айналысқан соң шешімін де тауып кететін кездер көп. Осыған орай белгілі садақшы Әбдіғани Айқынбаев Нұр-Мүбарак университетінің студенттеріне шеберлік дәріс өткізіп, шәк...

21.11.2019 6 198 0

Бас мүфти Шымкентте аймақтық имамдар форумына қатысты (ФОТО)

Бүгін Қазақстан мұсылмандары діни басқармасының төрағасы Серікбай қажы Ораз Шымкентте аймақтық имамдар форумына қатысты. Түркістан облысы мен Шымкент қаласының 800 имамының басын қосқан форум жұмысына қала әкімі Ерлан Айтаханов, мемлекет және қоғам қайраткерлері - Шалатай Мырзахметов, Сайлаукүл Бара...

19.11.2019 3 844 0

Ресейде Ораз-Мұхаммед сұлтанға ескерткіш тақта орнатылды

Ресейдің Рязан облысына қарасты Қасымов қаласында Жошы ұлысынан шыққан Ораз-Мұхаммед сұлтанға мемориалдық тақта орнатылды. Бұл туралы ҚазАқпарат тілшісі Ресейдегі Қазақстан елшілігінің баспасөз қызметіне сілтеме жасай отырып хабарлады....

16.11.2019 5 101 0

Бас мүфти – Баку саммитінде (ФОТО)

Әзірбайжан астанасы Баку қаласында әлемдік дін лидерлерінің саммиті өтіп жатыр. Осымен екінші рет ұйымдастырылған халықаралық жиынға Қазақстан мұсылмандары діни басқармасының төрағасы, Бас мүфти Серікбай қажы Ораз бастаған делегация қатысуда....

15.11.2019 4 037 0

Нұр-Мүбарак университетінің жаңа келбеті мақұлданды

Тоғыз қабаттан тұратын аспанмен таласқан, күнмен шағылысқан зәулім ғимарат – Нұр-Мүбарак университетінің жаңа келбеті осындай болмақ.

15.11.2019 6 880 0

Журналистер дін тақырыбын қозғарда нені ескеру керек?

Журналистер ортасында діни экстремизм мен терроризм идеологиясының таралу мәселесі мен қаупі дұрыс зерделенбеген. Мұндай пікірді «Дін саласындағы мәселелерді жариялау бойынша журналистерге арналған тренингі» атты ашық дәрісте мәдениеттанушы-лингвист Абылайхан Қалназаров атап өтті....

14.11.2019 4 670 0