Нұр-Мүбарак студенттері садақ ату өнерімен танысты

21.11.2019 6 198 0

Садақ ату – сабырды шыңдап, сананы тәрбиелейді. Ақыл-ойды дамытады. Кейде бір ай бойы шешілмей жүрген мәселе бір сағат садақ атумен айналысқан соң шешімін де тауып кететін кездер көп. Осыған орай белгілі садақшы Әбдіғани Айқынбаев Нұр-Мүбарак университетінің студенттеріне шеберлік дәріс өткізіп, шәкірттерімен бірге садақ атудың керемет үлгісін көрсетті.

«Садақ ату – тұнып тұрған физика-математика. Тренер 10 пайыздай ғана бағыт көрсете алады, ал қалғаны адамның өзінің еңбектенуіне байланысты. Бір ғана ескеретін жай, жарыс кезінде мүлт кетпес үшін демін ішіне тартып тұрған сәтте тыныс алу қиындауы мүмкін», – деді садақ атудың сұрмергені Әбдіғани Айқынбаев.

Садақ ату, суда жүзу, атқа міну жайлы Пайғамбарымыздың (оған Алланың салауаты мен сәлемі болсын) өсиет етуі де хикметке толы екені садақ атудан спорт шебері, мүмкіндігі шектеулі жандар арасында Ұлттық құрама бас бапкерінің дәрістерінен анық аңғарылып тұрды. Тәжірибесімен бөліскен садақшының дәрісін студенттер ұйып тыңдады. Себебі «Университетте садақ ату үйірмесі ашылады» деген жаңалықтың өзінен спорттың бұл түрін меңгеруге деген студенттердің қарасы көп болып шықты.

«Садақ ату – спорт түрі ғана емес, ұлттық салт-дәстүріміз, мұсылмандық міндетіміздің бірі. Сондықтан бұл ұлттық спорт өнері жастардың бойында жігерді шыңдап, мергендікті, ой ұшқырлығын арттыра түсетіндіктен, студенттерге де қолжетімді етудің жолын қарастырудамыз» деді университет басшылығы.

Студенттер бас бапкерден садақ атудың қыр-сыры жайлы естіп қана қоймай, садақты қолына алып, нысананы көздеп, садақ атудың әліппесімен танысты.

Нұр-Мүбарак университетінің баспасөз қызметі

Оқырмандардың пікірі (0)

Қызықты тақырыптар

Бас мүфти Шымкентте аймақтық имамдар форумына қатысты (ФОТО)

Бүгін Қазақстан мұсылмандары діни басқармасының төрағасы Серікбай қажы Ораз Шымкентте аймақтық имамдар форумына қатысты. Түркістан облысы мен Шымкент қаласының 800 имамының басын қосқан форум жұмысына қала әкімі Ерлан Айтаханов, мемлекет және қоғам қайраткерлері - Шалатай Мырзахметов, Сайлаукүл Бара...

19.11.2019 3 845 0

Ресейде Ораз-Мұхаммед сұлтанға ескерткіш тақта орнатылды

Ресейдің Рязан облысына қарасты Қасымов қаласында Жошы ұлысынан шыққан Ораз-Мұхаммед сұлтанға мемориалдық тақта орнатылды. Бұл туралы ҚазАқпарат тілшісі Ресейдегі Қазақстан елшілігінің баспасөз қызметіне сілтеме жасай отырып хабарлады....

16.11.2019 5 102 0

Бас мүфти – Баку саммитінде (ФОТО)

Әзірбайжан астанасы Баку қаласында әлемдік дін лидерлерінің саммиті өтіп жатыр. Осымен екінші рет ұйымдастырылған халықаралық жиынға Қазақстан мұсылмандары діни басқармасының төрағасы, Бас мүфти Серікбай қажы Ораз бастаған делегация қатысуда....

15.11.2019 4 038 0

Нұр-Мүбарак университетінің жаңа келбеті мақұлданды

Тоғыз қабаттан тұратын аспанмен таласқан, күнмен шағылысқан зәулім ғимарат – Нұр-Мүбарак университетінің жаңа келбеті осындай болмақ.

15.11.2019 6 881 0

Журналистер дін тақырыбын қозғарда нені ескеру керек?

Журналистер ортасында діни экстремизм мен терроризм идеологиясының таралу мәселесі мен қаупі дұрыс зерделенбеген. Мұндай пікірді «Дін саласындағы мәселелерді жариялау бойынша журналистерге арналған тренингі» атты ашық дәрісте мәдениеттанушы-лингвист Абылайхан Қалназаров атап өтті....

14.11.2019 4 671 0