«БІР АЙДА - БІР КІТАП»: «БАБАЛАР ІЗІМЕН: ҚАЗАҚ ДАЛАСЫНДАҒЫ МҰСЫЛМАНДЫҚ МЕКТЕП» КІТАБЫН ОҚЫДЫ
Бостандық ауданы «Нұр-Мүбарак» мешітінде «Бір айда – бір кітап» жобасы аясында өткен кезекті басқосу қазақ руханияты үшін ерекше маңызы бар еңбекке арналды. Бұл жолы оқырмандар назарына ұсынылған – «Бабалар ізімен: Қазақ даласындағы мұсылмандық мектеп» атты тарихи-танымдық кітап.
Жиын барысында аталмыш еңбекте асыл дініміз – Исламның қазақ даласына таралу тарихы кеңінен қамтылғаны атап өтілді. Сондай-ақ халқымыздың әдет-ғұрыптары мен салт-дәстүріндегі діннің алар орны, бабаларымыз ұстанған шариғат үкімдері мен иман негіздері, ислам этикасы мен мұсылмандық әдептің көріністері жан-жақты баяндалғаны айтылды.
Кітапта шариғат пен дәстүрдің үйлесім табуы, ислам құндылықтарының қазақ қоғамының рухани өзегіне айналуы ғылыми және тарихи негізде талданған. Сонымен қатар, ата-бабаларымыздың діни сауаттылығы, медреселер мен мешіттердің ел өміріндегі рөлі, сондай-ақ діни тұлғалардың қызметі туралы құнды деректер ұсынылған.
Бұл еңбек – дінтану саласының мамандарына, тарихшылар мен зерттеушілерге, сонымен қатар рухани құндылықтарға қызығатын барша оқырман қауымға арналған құнды мұра.
Қызықты тақырыптар
Намаз уақыттары 
.jpg)
.jpg)
.jpg)
.jpg)
