БАТА БЕРУ БАЙҚАУЫНА АЛМАТЫ ҚАЛАСЫ БОЙЫНША ІРІКТЕУ САЙЫСЫ ӨТТІ
Сан ғасырлар бойы ислам дінін ұстанған қазақ халқының рухани өміріндегі бата беру дәстүрін жалғастыру мақсатында ұйымдастырылған «АҚСАҚАЛДАР АРАСЫНДА ІІ РЕСПУБЛИКАЛЫҚ БАТА БЕРУ» байқауына Алматы қаласы бойынша іріктеу сайысы өтті.
Бата беруге қала мешіттерінен 25 батагөй ақсақал қатысты. Әділ қазылар Қазақстанның Еңбек сіңірген мәдениет қайраткерлері Жұмағали Пәрімбекұлы, Ергенбай Әбу Бәкірұлы және Орталық мешіттің наиб имамы Асан Тілеубердиев I орынға Әуезов ауданының батагөйі Мәсенов Әлқожа ақсақал ылайықты деп тапты. Ал II- орынды Сағалай Ауған атамыз алды, жүлделі III- орын Амалбек Қарабек атамызға бұйырды. Белсенділік танытқан барша батагөй аталарымызға алғыс хат беріліп, қаланың бас имамы Төлеби Оспан өз ризашылығын білдіріп, марапаттарын табыстады. Жеңімпаз ақсақал Республикалық сайысқа жолдамаға ие болды.
Алла Тағала рухани өмірде тұтастық пен бірлік, салт-дәстүрді жаңғыртуда жақсылықтың жаршысы болуды жазғай. Денімізге саулық және өмірімізге береке берсін. Ел игілігі мен салихалы ұрпақ тәрбиелеудегі еңбектерімізге Жаратқан Ием жар болып, мерейіміз үстем болғай! Әумин!
Тақырып бойынша жаңалықтар
Қызықты тақырыптар
Намаз уақыттары 
