РАНТ МҮШЕСІ ДАНИЯР КЕНЖАЛИН АЛМАТЫ ҚАЛАСЫНДА
ҚМДБ-ның уағыз-насихат бағыты бойынша жылдық жоспарына сәйкес Республикалық ақпараттық-насихат тобының (РАНТ) мүшесі, діни оңалту бағытының меңгерушісі Данияр Кенжалин Алматы қаласына іс-сапармен келді.
Іс-сапар барысында бірқатар маңызды кездесулер мен уағыз-насихат шаралары ұйымдастырылды.
Алғашқы кездесу Қазақстан Республикасы Ішкі істер министрлігі Қылмыстық-атқару жүйесі комитетіне қарасты №72 мекемесінде өтті. Данияр Кенжалин жазасын өтеушілермен жеке сұхбат жүргізіп, асыл дініміздің құндылықтары мен ата-бабамыз ұстанған хақ жолдан адаспаудың маңыздылығы жөнінде насихат айтты.
Сондай-ақ Бостандық ауданына қарасты Бәйкен мешітінде ақшам намазынан кейін жамағатқа уағыз-насихат жүргізді. Кездесу барысында мұсылман баласының Алланың хақ дінінен ажырамай, бірлік пен татулықты берік ұстануының маңызы сөз болды.
Іс-сапар аясында Алматы қаласының Орталық мешітінің ұйымдастыруымен жат діни идеологиядан оңалту бағытына жауапты имамдар мен мамандарға арналған семинар өткізілді. Семинар барысында діни оңалту жұмысының өзекті мәселелері талқыланып, мамандарға практикалық бағыт-бағдар берілді.
Қасиетті жұма күніне сәйкес келген іс-сапар жұма уағызымен қорытындыланды. Орбита-3 мешітінде жамағатқа «Отбасы – бақыт пен берекенің тірегі» тақырыбында уағыз айтылып, отбасы құндылықтарын сақтау, өзара сыйластық пен берекелі шаңырақтың маңызы кеңінен түсіндірілді.
Тақырып бойынша жаңалықтар
Қызықты тақырыптар
Намаз уақыттары 
