Бас имам "Ислам жəне отбасы" конференциясында
Алғаның жақсы болса...
Қазақстан мұсылмандары діни басқармасы Алматы қаласы өкілдігінің ұйымдастыруымен «Ислам және отбасы» жылы аясында «Алғаның жақсы болса...» атты ғылыми-тәжірибелік конференция өткізілді. Аталмыш конференцияға Алматы қаласы Орталық мешітінің Бас имамы Еркінбек қари Керімбекұлы, Алматы қаласы дін істері жөніндегі басқармасы басшысының міндетін атқарушы Нұрлан Медсантұлы, «Нұр-Мүбарак» Египет Ислам мәдениеті университетінің оқытушысы, философия ғ.д, профессор Қайрат Айтбекұлы, «Отбасы әлемі» сайтының жетекшісі Ақан Мергенбай және белгілі ғалым, Абайтанушы, Еуразилық ұлттық университетінің ұстазы Омар Жәлел қатысты. Сонымен қатар, жас отбасылар мен Алматы мемлекеттік көп салалы колледжі студенттері қатысып, отбасы мәселелері төңірегіндегі өзекті тақырыптардағы ғалымдардың баяндамаларын тыңдады.
Алғашқы құттықтау сөзінде Алматы қаласының өкілі Еркінбек қари Шоқай ғасырлардан бергі қазақ қоғамындағы отбасы институтының даму жолын және оның бүгінгі келбетінің қандай болып отырғандығы туралы баяндады. Еліміздің алға жылжуында ерекше орынға ие отбасы институты дейтін болсақ, сол отбасылардың түрлі себептермен бұзылып, үйленуге қарағанда ажырасудың басым түсіп отырғаны ащы шындық екенін тілге тиек етті.
Ал, Алматы қаласы дін істері жөніндегі басқарма өкілі Нұрлан Медсентұлы соңғы жылдағы отбасын құру мен ажырасу туралы статистикалық мәліметтерді баяндады. Сондай-ақ, Алматы әкімдігі және дін істері басқармасының жас отбасыларға және жалпы отбасылық проблемаларға жолыққан әрбір тұрғынға көмек қолын созу үшін есіктерінің ашық екенін жеткізді.
Конференцияға арнайы шақырылған философия ғ.д, профессор Қайрат Айтбекұлы, «Отбасы әлемі» сайтының жетекшісі Ақан Мергенбай, белгілі ғалым, абайтанушы Омар Жәлел мырзалар отбасы құндылықтары мен ішкі проблемалардан шығу жолдарын ғылыми көзқараспен баяндады.
Іс-шара соңында ғылыми-тәжірибелік конференция қатысушыларының Үндеуі қабылданды.
«Ислам және отбасы» ғылыми-тәжірибелік
конференциясына қатысушыларының
ҮНДЕУІ
Біз, «Ислам және отбасы» ғылыми-тәжірибелік конференцияның қатысушылары, ежелден келе жатқан дәстүрлі дініміздің басты құндылықтары мен қағидаттары адамзаттың рухани жан-дүниесін байытатын, ізгілікке бастаушы негізгі күш, сондай-ақ, адамзат өміріндегі, қоғамдық қатынастардағы, отбасының дамуындағы атқарар маңызды қызметі бар күрделі құбылыс деп білеміз.
Кемел отбасы қалыптасуында Ислам дінінің алар орны ерекше. Ислам діні ешқашан отбасы құндылықтарына, оның әрбір мүшесінің құқықтарына қарсы шыққан емес, керісінше тұлғаның абыройы мен ар-ожданын жоғары қойып, әділдік пен бейбітшілікті ту етіп, адамдарды тазалыққа, адалдық пен әділдікке, имандылыққа, ізгілікке шақырады.
Ислам дініндегі Ханафи мазхабының Қазақстан жеріндегі ұлттық ерекшеліктердің сақталуына, отбасылардағы тұрақтылық пен кемелденудің артуына, мәдениет пен өркениеттің дамуына, адами құндылықтардың қалыптасуына қосқан тарихи үлесін әрдайым ескереміз.
Қазақ халқы – Ислам дінін қабылдап қана қоймай, Ислам өркениетіне өзіндік үлесін қоса білген, мәдени мұрасының тамырлары тереңде жатқан халық екендігін өскелең ұрпақтың бойына сіңіре білуіміз қажет.
Еліміздегі отбасы институтының қалыптасуында Ислам дінінің алар орны орасан. Алла елшісі (Алланың оған игілігі мен сәлемі болсын):
«Некелесіп үйленіңдер, перзентті болып көбейіңдер. Әрине мен Қиямет күні басқа үмметтердің алдында мен сендердің көптіктеріңді мақтан тұтамын», - деген болатын.
Қазақ осы хадиске негізделе отыра кәмілетке толған ұрпағын шаңырақ көтеруге тәрбиелей отыра, ел демографиясының дамуына аса мән берген.
Ұлт көсбасшысы Нұрсұлтан Әбішұлы Назарбаевтың:
«Отбасы – Қазақстан қоғамының діңгегі, экономикадағы, мәдениеттегі, әлеуметтік саясаттағы барлық жаңа жетістіктерінің негізі», - деген сөзін басшылыққа алуға шақырамыз.
Елімізде ғасырлар бойы халықтың діни, рухани және мәдени дүниетанымына сәйкес қалыптасқан отбасылық қағидаттары, салт-жоралғылары ұлттық және отбасылық құндылықтардың сақталуына бағытталған іс-әрекет деп есептейміз.
Тақырып бойынша жаңалықтар
Рамазан айы үлкен мерекемен аяқталады. Бұл мереке – Ораза айт мерекесі. Бұл күні барлық мұсылмандар мерекелік намаз – Айт намазын жамағатпен оқу үшін мешітке ағылады. Намаздан соң мерекелік құтпаға қатысу – сүннет болып табылады. Бұл күні мұсылмандарға мүмкін болса жуынып- шайынып, ер адамдар үстіле...
Қазақстан мұсылмандары діни басқармасы мешіт салудың арнайы ережесін бекітті. Бұл туралы Бас мүфти Серікбай қажы Ораз Астанада өткен алқалы мәжілісте мәлімдеді, - деп хабарлайды Azan.kz ҚМДБ баспасөз қызметіне сілтеме жасап....
Қазақстан мұсылмандары діни басқармасының төрағасы Серікбай қажы Ораз "Қазақстан" ұлттық арнасындағы "Apta" ақпараттық-сараптамалық бағдарламасына "Жусан" операциясына қатысты сұхбат берді....
5-6 қаңтарда Сирияда қазақстандықтарды құтқару операциясына "Жусан" аты берілді. Ақорда баспасөз қызметі құтқару шарасы туралы деректі видеоролик ұсынды
Бас мүфти Серікбай Сатыбалдыұлы I дәрежелі ғылым мен өнер орденімен марапатталды.
Мемлекет басшысы Қазақстан халқының және жеке өзінің атынан Режеп Ердоғанды Түркия Республикасы Президентінің сайлауындағы айқын жеңісімен құттықтады.
Қызықты тақырыптар
Қасиетті Жұма күні Қазақстан мұсылмандары діни басқармасының төраға орынбасары, наиб мүфти Бауыржан Әбдірашұлы Алматы қаласындағы Орталық мешітінде «Мұсылманның әһли кітап иелерімен қарым-қатынасы» деген тақырыпта Жұма уағызын жүргізді....
Бүгін Алматыдағы «Алатау» дәстүрлі өнер театрында Қазақстан мұсылмандары діни басқармасы ұйымдастырған VІІ республикалық Құран жарысының қорытынды рухани кеші өтті. Дін жанашырлары мен демеушілерінің қаржылай қолдауымен өткен жүлде қоры 17 млн. теңгені құрайтын сайысқа республика бойынша 500-ден аст...
Бүгін Алматы қаласы Орталық мешітінде Қазақстан мұсылмандары діни басқармасының төрағасы, Бас мүфти Серікбай қажы Сатыбалдыұлы хазреттің бастамасымен ұйымдастырылған Құран Кәрімді жатқа және мәнерлеп оқудан VІІ республикалық Құран жарысы басталды....
Ертең сәуірдің 25-і күні Қазақстан мұсылмандары діни басқармысының төрағасы, Бас мүфти Серікбай қажы Сатыбалдыұлы хазреттің бастамасымен Құран Кәрімді жатқа және мәнерлеп оқудан VІІ республикалық Құран байқауы Алматы қаласы Орталық мешітінде өткізіледі. Басталуы сағат: 9:00-де. Үміткерлер Құран жары...
Көктем шығысымен қаланың өңін қалпына келтіретін дәстүрлі сенбіліктер жалғасын тауып келеді. Бұл жолғы сенбілікте тазалық жұмыстарымен қатар, орта мектептер, қарттар үйі, жеке үй аулалары сияқты жерлерде Қазақстан мұсылмандары діни басқармасының төрағасы, Бас мүфти Серікбай қажы Сатыбалдыұлы хазретт...
Отбасы – адам үшін ең жақын әлеуметтік орта. Отбасы – белгілі дәстүрлердің, жағымды өнегелердің, мұралар мен салт-дәстүрлердің сақтаушысы. “Әйел бір қолымен бесікті тербетсе, екінші қолымен әлемді тербетеді” , “Қыз тәрбиесі – ұлт тәрбиесі”, – деп халқымыз әйел адамның мойнындағы жауапкершіліктің маң...
Намаз уақыттары 
.jpg)
.jpg)
.jpg)
.jpg)
