«Аяулы әжелер, аналар» атты рухани іс-шара өткізілді
Алматы қаласы, Наурызбай ауданы Қалқаман-2 мешітінің әйел ұстаздары мен шәкірттерінің ұйымдастыруымен «Аяулы әжелер, аналар» атты рухани іс-шара өткізілді.
Өткізілген игі шараның ашылуын Қалқаман-2 мешітінің ұстазы Темірбаева Разия жиналған жамағатқа ризалығын білдірумен бастады. Бұл жиын мақсатының бірі дінімізбен қоса халқымыздың салт-дәстүрін насихаттау болғандықтан еліміздің елеулі дәстүрлерінен баяндамалар оқылды. Осы тұста көненің көздері болған ақжаулықты әжелеріміз де дәстүрді дөңгелетіп сөз қозғап, өздерінің өмірлерінен сабақ аларлық тұстарынан жиналған жастарға тәрбиелік сөздерімен өсиет етті.
Жиынға қатысушы қыз-келіншектер мен қарт әжелерімізге Наурызбай аудандық Абу Бакр мешітінің ұстазы Ахметова Маржан «Әйел адамға құрмет» тақырыбында насихат айтты. Уағыз соңында жас шәкірттеріміз тарапынан «Екі дүниенің арбасын бірге алып жүру» атауымен ғибрат аларлық көрініс көрсетілді. Шараның берекелі өтуі үшін «Ақ үміт» балалар үйінен бүлдіршін қыздарды алдырып, олардың көңілдерін көтеру мақсатында түрлі әшекей-моншақ бұйымдарын қолдан жасау шеберлік сағаты өткізілді. Көрме соңында барлық бүлдіршіндерге қолдан бұйым жасағыш құралдар сыйға берілді.
Осындай ауқымды түрде ұйымдастырылған шараға Қалқаман-2 мешітінің бас имамы Мырзабаев Кенжеали Қоңыратбайұлы әйелдер қауымына алғысын білдіріп, дін жолындағы еңбектеріне табыс тіледі. Жоспар бойынша іс-шара соңында қатысушы жамағатқа кең көлемде дастархан жайылып ас берілді. Сонымен қатар, айта кететін маңызды мәселенің бірі осы шара барысында Наурызбай ауданы бойынша «Әжелер мектебі» құрылып, алдағы уақытта осы бағыт бойынша жұмыс жасау жоспарға алынды.
Қызықты тақырыптар
Намаз уақыттары 
.jpg)
.jpg)
.jpg)
.jpg)
