АЛМАТЫДАН ҚҰЛСАРЫҒА КӨМЕК ЖОЛҒА ШЫҚТЫ
ҚМДБ Төрағасы, Бас мүфти Наурызбай қажы Тағанұлының су тасқынынан зардап шеккен елдімекендерге көмек бойынша бастамасымен кеше Алматы қаласының бас имамы Төлеби Оспан «Қарасай батыр» мешітінде Атырау облысы, Құлсары қаласы тұрғындарына заттай Алматы қаласының мешіттері, тұрғындары атынан төртінші жүк көлігін аттандырды.
Арнайы жүк көлігінде 20 тоннаға жуық дәл қазіргі тұрмысқа қажетті заттар - резеңке етік, қап, күрек, фонарь, су сорғыш (насос), жаңа киім-кешек, жаңа көрпе-төсек, жаңа ыдыс-аяқтар және біршама азық-түліктер бар.
Су тасқынынан аса ауыр зардап шегіп отырған Құлсары тұрғындары үшін ҚҰЛСАРЫҒА КӨМЕК айдарымен ҚМДБ «Зекет және қайырымдылық» қорының Алматы қаласы бойынша есепшот ашылғаны туралы хабарланған еді.
Сондай-ақ су тасқынынан зардап шеккен Ақтөбе тұрғындарына Алматының атынан 13 000 000 теңге қаржылай көмек көрсетіліп, бүгінде дәл сондай апатқа тап болған Құлсары қаласының тұрғындары үшін ҚМДБ «Зекет және қайырымдылық» қорының Алматы қаласындағы жауапты маманы Б.Көптілеуовтың есепшотына қаржылай қолдау мен қайырымдылық қаражаты жиналуда. ( Зекет қорының маманы + 7 701 163 41 93 БАУЫРЖАН К.)
Кең байтақ елімізге саулық, қиындыққа тап болған отандастарымызға амандық берсін!
Алматы өкілдігінің баспасөз қызметі
Қызықты тақырыптар
Намаз уақыттары 
.png)
