АЛМАТЫДА ОРАЗА АЙТ НАМАЗЫ ОҚЫЛДЫ
10 сәуір Алматы тұрғындары қала мешіттерінде айт намазын оқыды.
Қасиетті Рамазан айы аяқталысымен барша мұсылман халықтарының ең ұлық мерекесі ораза айт та келіп жетті. Осындай ұлық мереке Ораза айт күні Алматы Орталық мешіті таңғы намаздан бастап жамағатқа лық толды. 10 000-ға жуық жиналған жамағатқа Қасиетті Құран аяттары оқылып, қаланың бас имамы Төлеби Дәділұлы "Ораза айт - ұлық мереке" тақырыбында уағыз айтты. Наиб мүфти Кенжеәлі қажы Қоңыратбайұлы жамағатты ораза айт мерекесімен құттықтап, су тасқынынан зардап шегіп отырған аймақ тұрғындары үшін дұға тілеп, ел тыныштығы мен тұрақтылығына бата жасады.
Сондай-ақ қаланың 54 мешітінде шаһар тұрғындары мерекені құлшылықпен бастап, екі ракағат айт намазын оқылды. Намаздан соң бір-бірін құттықтап, рамазан айындағы жасаған тағат-құлшылықтарының қабыл болуын тілеп: «Айт қабыл болсын!» деген құттықтау сөздерімен мерекелік көңіл күйге ұласты. Мешіт ақсақалдары бата беріп, ел амандығын тіледі.
Алматы өкілдігінің баспасөз қызметі
Тақырып бойынша жаңалықтар
Қызықты тақырыптар
Намаз уақыттары 
.png)
