Алматыда «Рухани жеті қазық» атты қала имамдарына арналған семинар өтті (ФОТО)
Жуырда Нұр-Сұлтан қаласында «Рухани құндылықтар – қоғам бірлігінің негізі» тақырыбын арқау еткен III республикалық имамдар форумы өтті. Соған орай форумда қабылданған құжаттарды таныстырып, оны кеңінен насихаттау мақсатында Алматы Орталық мешітінде қала имамдарына арналған семинар ұйымдастырылды.
Семинарды Алматы қаласының бас имамы Еркінбек қари Шоқай жүргізіп отырды.
Келелі басқосуда Алматы Орталық мешітінің наиб имамы Ерсін қари Әміре «Дін қызметкерлерінің атқаратын діни рәсімдері тізілімі», ҚМДБ-ның Алматы қаласы бойынша заңгері Сағитжан Дәулетияр «ҚМДБ құрылымындағы діни лауазымдар тізілімі және міндеттер» және Алматы Орталық мешітінің азаншысы Серік қари Ахметов «Жеті рухани қазық» Қазақстан мұсылмандарының рухани тұғырнамасы» атты құжаттарын жан-жақты таныстырып, баяндады.
Сонымен қатар бас имам Еркінбек қари Шоқай:
«Құрметті әріптестер, дін қызметкерлері! Өзіміз ашылуына қатысып куә болған имамдары форумында қабылданған құжаттар, өз кезегінде, дін қызметкерлеріне тың серпін беріп, үлкен жауапкершілік жүктейтіні анық. Сонымен қоса құжаттарда бекітілген міндеттер мен құндылықтар – дін қызметкерлерінің рухани дамуына түрткі болып, тұлғалық келбетін қалыптастыруға, қоғаммен қарым-қатынасын жақсартуға, ел арасында адамгершілік пен ерекше қасиеттермен үлгі болуға үндейді. Ал ендігі біздің мақсат – Қазақстан мұсылмандары діни басқармасының төрағасы, Бас мүфти Серікбай қажы Ораздың бастамасымен қабылданған құжаттар негізінде насихат жұмыстарын жүргізіп, дін қызметкерлерінің жұмыс сапасын арттырып, ел-жұртымызды имандылыққа баулу», – деп түсіндірді.
Ерсін Әміре имамдар форумында дін қызметкерлерінің қандай рәсімді атқара алатынын және молдаларға қандай рәсімді өткізуге тыйым салынғанын айтты. Сонымен қатар құжатта келген дін қызметкерлері атқаратын 45 діни рәсімдер тізілімін таныстырды. Онда бала шыр етіп дүниеге келгеннен оған берген батамыз бен айтқан азанымыздан бастап, кісі дүниеден қайтқанға дейінгі атқаратын діни рәсімдерді тізбеленген.
Сағитжан Даулетияр болса бүгінгі таңда діни лауазымдардың нақты атауы мен лауазымдық міндеттерін бір ретке келтірудің – аса маңызды іс екенін жеткізіп, имамдар форумындағы өзгерістер мен толықтырулармен таныстырды.
Ал Серік Ахметов Қазақстан мұсылмандарының «Жеті рухани қазық» рухани тұғырнамасында келген имандылық, отанды сүю, білім алу, бірлікке болысу, еңбекқорлық, мәдениетті болу және әділдік принципіне тоқталды. Бұлар – адам баласының кісілік келбетін, көркем мінезін қалыптастыруға негіз болатын жеті рухани қазық екенін баса айтты.
Бір айта кететіні, аталмыш семинарда форумда қабылданған құжаттарды кеңінен насихаттау бойынша іс-шаралар жоспары әзірленіп жатқаны айтылды.
Интересные материалы
Время намаза 
