«АЛМАТЫ - БІЗДІҢ ОРТАҚ ҮЙІМІЗ» ҚАЛА ТҰРҒЫНДАРЫНА ҮНДЕУ ЖАСАЛДЫ
Орталық мешітте қаланың бас имамы Төлеби Дәділұлының қатысуымен «Алматы – біздің ортақ үйіміз» тазалық науқанына қатысуға жамағатқа үндеу жасалды.
Бұл тазалық науқаны Алматы әкімдігінен бастау алып отыр. «Бүгіннен бастап шаһарымызда «Алматы – біздің ортақ үйіміз» тазалық науқаны басталуда. 1 айға созылатын және халықты тазалыққа, мәдениеттілікке, қаламызға деген махаббатқа, өз жерімізді аялау арқылы көрінетін рухани патриоттылыққа шақыратын бұл іс-шараға Алматы қаласының мешіттері де өз үлесін қосуда. Алматы Орталық мешітінде бастау алған іс-шара басқа мешіттерде де алдағы 30 күнге жалғасатын болады. Осы орайда, құрметті жамағат сіздерді аталған мәдени, мағынасы зор бұл іс-шараға белсенді қатысуға шақырамыз», - деп атап өтті қаланың бас имамы Төлеби Оспан. Орталық мешіт қызметкерлері жұдырықтай жұмыла Алла үйінің ауласын қоқыстардан тазартып, көктемгі тазалық жұмыстарын атқарды.
Алматы өкілдігінің баспасөз қызметі
Тақырып бойынша жаңалықтар
Қызықты тақырыптар
Намаз уақыттары 
.png)
