Алматы имамдары Рамазан айын қорытындылады (ФОТО)
Жақында Алматы қалалық Орталық мешітінде өңірдің діни қызметкерлері бас қосып, қасиетті Рамазан айының қорытынды жиынына қатысты. Алқалы жиынды ҚМДБ-ның Алматы қаласы бойынша өкіл имамы Еркінбек қари Керімбекұлы жүргізіп отырды.
Өкіл имам, ең алдымен, жиынның мақсатын түсіндіріп өтті. Содан ҚМДБ-ның төрағасы, Бас мүфти Серікбай қажы Ораз хазреттің Рамазан айына орай бекіткен тапсырмалары бойынша қала мешіттерінде атқарылған жұмыстарға тоқталды.
Атап айтқанда, өкіл имам Рамазан айының қарсаңында БАҚ өкілдерімен баспасөз мәслихаты өткізіп, қала мешіттеріне Ораза кестесін таратылды; Қала мешіттерінде әр күні 11 000-нан астам адамға ауызашарлар ұйымдастырылды; 50 мешіттің 46-сында тарауық намазында қариларымыз Құранды бастан-аяқ хатым етті; Бас мүфтидің атынан Алматы қаласының зиялы қауымына ауызашар дастарханы жайылды; Қадір түнінде Орталық мешітте 2500 адамға ауызашар және 1500 адамға сәресі берілді; Алматы облысы Талғар ауданына қарасты «Нұр» балалар үйінің 40-қа жуық тәрбиеленушілері Орталық мешітте қонақта болып, ауызашар дастарқанынан дәм татты; Алматы Орталық мешітінде Түрксіб аудандық мүгедектер қоғамына ауызашар берілді; «Кәусар» балалар үйіне 315 000 теңге қаржылай көмек жасалды; Ораза айтта «Жанұя» балалар үйінің 65 тәрбиеленушісі шақырылып, сыйлықтар берілді; «Рамазан керуені» атты акциясында 850 мұқтаж отбасыға азық-түлікпен көмек көрсетілді; қайырымды жандар әлеуметтік аз қамтылған 3 отбасыға үй кілтін табыстаса, ал Алматы облысы, Іле ауданы, Екпінді ауылдық мешітінің бас имамына көлік кілтін сыйға тартты.
Жергілікті әкімдіктер мен мекемелерге Ораза айтына құрметіне Бас мүфти атынан құттықтау хаттары мен айттық сыйлықтар таратылды.
Қала имамдарының БАҚ беттеріне мақалалар жарық көріп, басылымдарға сұхбаттар берді. Арнайы бағдарламаларға қатысып, Рамазан айының құндылықтары туралы пікірлерін білдірді.
Сонымен қатар жиналыста «Нұр-Мүбарак» мешітінің бас имамы Қайрат Жолдыбай мен Бостандық ауданы «Бекет ата» мешітінің бас имамы Дәуренбеков Орынбасар сөз сөйлеп, өз ойларын ортаға салды.
Соңында өкіл имам Рамазан бойы атқарылған шараларға оң бағасын беріп, алдағы жарты жылдық жоспарды пысықтап, тиісті тапсырмаларды берді.
Алматы Орталық мешітінің баспасөз қызметі
Интересные материалы
Время намаза 
