Фото: Алматының Бас мешітінде Айт мерекесі ұлықталды
Бүгін, Алматы қалалық Орталық мешітінде мерекелік Айт намазын оқуға келген жұртшылықтың қарасы қалың болды. Таң атқаннан мешіт босағасына бас сұққан жамағат Ораза айт намазын оқыды.
Таңғы құлшылық жамағатпен бірге атқарылып, айт намазының уақыты жақындағанда Қазақстан мұсылмандары діни басқармасының Алматы қаласы бойынша өкіл имамы Еркінбек қари Керімбекұлы барша жамағатты қасиетті Ораза Айт мерекесімен құттықтап, айт күні жасалуы ұнамды болған амалдарға тоқталды.
Ораза айт намазы оқылып болған соң, жамағат бір-біріне «Ораза айт құтты болсын» деп тілек тілесті.
Ораза айттың ресми бөлімі аяқталып, арты мерекелік шараға ұласты.
Мерекелік шараны Айдар Есенбеков сөз сөйлеп ашып берді. Ол сөзінде Алматы Орталық мешітінің ұйытқы болуымен қаламыз бойынша көптеген қайырымдылықтар мен игі шаралар атқарылып жатқанын тілге тиек етіп, мешіт жамағатын Ораза айтымен құттықтады.
Сосын Алматы Орталық мешітінің бас имамы сөз алып, мерекелік шараға қатысушы жамағатқа Рамазан айында тұтқан оразамыз бен ізгі амалдарымызды, оқыған Ораза айт намазын Алла Тағала қабыл етуін тіледі.
Мерекелік шарада жамағат кір тасын көтеру, асық ату, үстел теннисі, арқан тартыс сынды спорттық ойындар мен жаңылтпаш айту сынды сайыстар бойынша өзара бақ сынады. Жүлдегерлерге арнайы сыйлықтар табысталды.
Сонымен қатар, мешіт ауласында ойын-сауық батуттары да құрылып, балалардың мерекелік көңіл күйді сезінулеріне толық жағдай жасалды. Әрі балалар үйінің тәрбиеленушілері айттық дастарханнан дәм татып, мәре-сәре болды.
Мешіт ауласында құрылған киіз үйде Ораза айт дастарханы жайылып, келген меймандарға келелі уағыздар айтылды.
Алла Тағала ел Тәуелсіздігін баянды етіп, алдағы жылдардағы Ораза айт мерекелеріне аман жеткізсін!
Тақырып бойынша жаңалықтар
Қызықты тақырыптар
Намаз уақыттары 
.jpg)
.jpg)
.jpg)
.jpg)
