«АДАМЗАТТЫҢ АСЫЛЫ МҰСТАФА (ﷺ)» РУХАНИ МӘУЛІТ КЕШІ ӨТТІ
Алматы қаласының бас имамы Төлеби Дәділұлының бастамасымен ҚМДБ Алматы қаласы «Әйел-қыздар секторының» ұйымдастыруымен Мәуліт айының құрметіне орай өткен кеште 4 ҰМРА сыйланды.
Мәуліт кеші Сүйікті де Ардақты Пайғамбарымызға арналған салауатпен ашылып, Құран тіләуәтімен жалғасты. ҚМДБ «Әйел-қыздар» секторының меңгерушісі Динара Құтқожақызы рухани кешке келген қонақтарды Мәуліт мерекесімен құттықтап, Пайғамбарымыздың (оған Алланың салауаты мен сәлемі болсын) өнегелі өмірі мен дініміздің асыл құндылықтары жайлы айтты. Нұр-Мүбарак университетінің ұстазы, PhD докторы Шәмшат Әділбаева «Пайғамбарымызға махаббат» тақырыбында баяндама оқыды. «Мәуліт жыры» орындалып, шәкірттер тарапынан иләһи әндері де айтылды. ҚМДБ «Әйел-қыздар секторының» Алматы қаласы бойынша жауапты маманы Гүлмира Ілесбайқызының «700 жылдық хат» монологы оқылды. Пайғамбарымыздың (оған Алланың салауаты мен сәлемі болсын) өмірбаянынан жарысты «Kahoot» программасы арқылы жүргізді. Келген көрермендердің бәрі түгел сайысқа қатысты.
Марапаттау рәсіміне Алматы қаласының бас имамы Төлеби Дәділұлы қатысып, Пайғамбар өмірін үлгі еткен шәкірт-жастарға алғысын білдірді. Сонымен қатар «Бәйкен» мешітінің бас имамы Данияр қари Жұмабаев, Орталық мешіттің бас ұстазы Талғат Сапанов және Астана қаласы «Әзіреті Сұлтан» мешітінің ұстазы Эльмира Бұхарбаева сайыс жүлдегерлерін марапаттауға қатысты.
Сира жарысынан жүзден жүйрік шығып, жоғары ұпай жинаған «Әл-Азим» мешітінің шәкірті
1-орын - Нысанбаева Ботагоз бас жүлдеге Ұмра - кіші қажылыққа жолдама ұтып алды.
2-орын - Мейрамбекқызы Әсел - 100 000 мың теңге,
3-орын - Қоныратбаева Әсия - 50 000 мың теңге қаржылай сертификаты табысталды.
Мәуліт кешінде Салауат сайысының нәтижесі бойынша:
«Әл-Азим» мешітінен Гүлнар апа 3-орын 100 000 мың теңге
«Әл-Азим» мешітінен Фатима апа 2-орын 150 000 мың теңге
«Әл-Азим» мешітінен Гүлзат апа 1-орын Ұмраға жолдама алды.
Алматы Орталық мешітінің жамағат шәкірті Ауезхан Роза апамыз да сабақтардан қалмай, дін іліміне деген ықыласы үшін ынталандыру сыйлығы - Ұмраға жолдама алды.
Салауат сайысының өткізудегі мақсат жамағат арасында Пайғамбарымызға (оған Алланың салауаты мен сәлемі болсын) құрмет көрсетіп, тәлім-тәрбие алуды насихаттау болды.
Алматы Орталық мешітінің баспасөз қызметі
Тақырып бойынша жаңалықтар
Қызықты тақырыптар
Намаз уақыттары 
.jpg)
.jpg)
.jpg)
.jpg)
