Жаңалықтар

Жаңалықтар Azan.kz жаңалықтары НАИБ МҮФТИ ХАЛЫҚАРАЛЫҚ КОНФЕРЕНЦИЯДА БАЯНДАМА ЖАСАДЫ (ФОТО)

НАИБ МҮФТИ ХАЛЫҚАРАЛЫҚ КОНФЕРЕНЦИЯДА БАЯНДАМА ЖАСАДЫ (ФОТО)

25.01.2024 901 0

ҚМДБ Төрағасының орынбасары, наиб мүфти Кенжеәлі қажы Қоңыратбайұлы «Еуразия континенті халықтарының эволюциясы контексіндегі зороастризмнің мәдени-тарихи мұрасы» тақырыбындағы Халықаралық ғылыми-практикалық конференцияға қатысты.

ҚМДБ Төрағасы, Бас мүфти Наурызбай қажы Тағанұлы 2024 жылды «Ислам және дәстүр құндылығы» жылы деп жариялаған болатын. Осы бағдарды насихаттау мақсатында бүгін наиб мүфти Кенжеәлі қажы Қоңыратбайұлы Алматы қаласында ҚР ҒЖБМ ҒК Философия, саясаттану және дінтану институты Тұран университетімен бірігіп өткізген «Еуразия континенті халықтарының эволюциясы контексіндегі зороастризмнің мәдени-тарихи мұрасы» тақырыбындағы Халықаралық ғылыми-практикалық конференцияға қатысып, баяндама жасады.

Конференцияда қазақ, орыс, ағылшын және иран-парсы тілдерінде баяндамалар жасалды. Қазақстан, Өзбекстан, Иран, Ресей, Белорусия, АҚШ, Испания және тағы басқа мемлекеттерден проффесорлар баяндама жасады. Наиб мүфти өз сөзінде: «Адамзат баласы тумысынан Жаратушыға мұқтаж. Пенде он сегіз мың ғаламның тылсым сырына қанық болу үшін үнемі Жаратушысын іздеп, Оған жалбарынған. Кез-келген халықтың өткен тарихына назар салғанда олардың шынайы ақиқатты тапқанға дейін түрлі наным-сенімдер мен ілімдердің иланушысы болғанына көз жеткізуге болады. Сол секілді қазақ халқы да соңғы дін – Исламды қабылдағанға дейін ақиқатты іздеу жолында «тар жол, тайғақ кешуден» өткен деуге негіз бар. Зороастр сенімі түркілердің өткен тарихында өзіндік із қалдырғанымен де, шынайы ақиқаттың негізі Исламда жатқаны анық. Хорасан, Мәуреннаһр және Дешті Қыпшақты мекендеген түркілердің исламды қабылдауының бар сыры да осында. Қазақстан мұсылмандар діни басқармасы дін мен дәстүр сабақтастығына ерекше назар аударып келеді. Биылғы жылды «Ислам және дәстүр құндылығы» деп жарияланды. Осы салада өзге діндерге сыйластықпен қарап, өзіміздің дәстүрлі ислами дүниетанымымызды дамыта береріміз анық», - деп, атап өтті наиб мүфти. ҚР ҒЖБМ ҒК Философия, саясаттану және дінтану институты мен Тұран университетіне ҚМДБ атынан «Ихсан рухани тәрбие негізі» кітабын табыстады

Алматы өкілдігінің баспасөз қызметі

ДЕРЕККӨЗІ Azan.kz

Ислам ақпараттық-ағарту порталы

Тақырып бойынша жаңалықтар

ИМАМДАРҒА АРНАЛҒАН ҚҰРАН КУРСЫНЫҢ 3-КЕЗЕҢІ АЯҚТАЛДЫ

ҚМДБ Алматы өкілдігінің ұйымдастыруымен имамдарға арналған 3 айлық Құран курсының 3-кезеңі аяқталды.

03.07.2024 578 0

БАС ИМАМ ҚАЙЫРЫМДЫЛЫҚ ШАРАСЫНА ҚАТЫСТЫ

Алматы қаласының бас имамы Төлеби қажы Дәділұлы Алатау ауданы «Д.Қонаев» мешітіндегі қайырымдылық шарасына қатысты.

19.06.2024 860 0

ҚҰРБАН АЙТ-2024: БАСПАСӨЗ МӘСЛИХАТЫ ӨТТІ

Бүгін Алматы өкілдігі Орталық мешітте баспасөз мәслихатын өткізіп, биылғы Құрбан айт жоспарымен бөлісті.

13.06.2024 1 053 0

ҚМДБ ТӨРАҒАСЫ АЛМАТЫДА ЖҰМА УАҒЫЗЫН ЖҮРГІЗДІ (ФОТО)

Бүгін Қазақстан мұсылмандары діни басқармасының төрағасы Наурызбай қажы Тағанұлы Алматы қаласының Орталық мешітінде жұма уағызын айтты.

09.06.2024 452 0

ҚАСАПШЫЛАРҒА ОНЛАЙН-ОФЛАЙН ФОРМАТТА СЕМИНАР ӨТТІ

Қазақстан мұсылмандары діни басқармасының Төрағасы, Бас мүфти Наурызбай қажы Тағанұлының тапсырмасымен қасиетті Құрбан айт мейрамына орай «Халал Дамудың» ұйымдастыруымен «Қасапшылық – сауапты hәм жауапты іс» тақырыбында онлайн-офлайн семинар өтті. Семинарға уағыз-насихат бөлімінің меңгерушісі, ғұлам...

06.06.2024 548 0

«ЕЛ ҮЛЕСІ - ПӘТЕРГЕ»: АЛМАТЫДА 23-БАСПАНА ТАБЫСТАЛДЫ

ҚМДБ Төрағасы, Бас мүфти Наурызбай қажы Тағанұлының бастамасымен «Зекет және қайырымдылық» қорының «Ел – үлесі пәтерге» жобасы аясында Алмалы ауданы «Төле би» мешітінің қызметкеріне баспана табысталды. ...

05.06.2024 823 0

Тағы көрсету

Оқырмандардың пікірі (0)

Қызықты тақырыптар

МЕШІТ ИМАМЫ ӘСКЕРИ БӨЛІМДЕ УАҒЫЗ АЙТТЫ

Дін қызметкерлері 5571 әскери бөлімінде штаттан тыс өткізілген 1 күндік оқу - әдістемелік жиынға қатысты.

25.01.2024 850 0

ӘЙЕЛ-ҚЫЗДАР СЕКТОРЫ БІЛІМ САЙЫСЫН ӨТКІЗДІ

Алатау ауданы «Қарасай батыр» мешітінің қыз-келіншектер жамағаты арасында «Әйелдерге арналған 30 хадис» кітабы және 30 мақал бойынша білім сайысы өтті.

24.01.2024 1 302 0

АЛМАТЫДАҒЫ ЗІЛЗАЛАДАН СОҢ МЕШІТТЕРДЕ ҚҰРБАНДЫҚ ШАЛЫНДЫ

Кеше Алматы қаласында қуатты жер сілкінісі орын алды. Алматы қаласы төтенше жағдайлар департаменті адам шығыны мен қираған ғимараттар жайлы ақпарат түспегенін мәлімдеді....

23.01.2024 2 029 0

АЛМАТЫДА 6 КӘСІПОРЫН СЕРТИФИКАТТАЛДЫ

ҚМДБ «Халал даму» бөлімі Алматы қаласы бойынша өкілдігінде бірнеше кәсіпорын ұсынған өнімінің адалдығын дәлелдеп, «QMDB Halal» сертификатына ие болды.

22.01.2024 808 0