АЛЛАНЫҢ 99 КӨРКЕМ ЕСІМ-СИПАТЫНАН САЙЫС ӨТТІ
![](/media/images/66c83128296af.jpg)
Бас мүфти Наурызбай қажы Тағанұлы бекіткен жылдық жоспарға сәйкес, Алматы қаласындағы «Қарасай батыр» мешітінде Алланың көркем есімдерін жатқа айтудан жасөспірім қыздар арасында қалалық сайыс өтті.
Алматы қаласының бас имамы Төлеби Дәдіұлы алғысөз сөйлеп, қатысушыларға сәттілік тіледі. Сайысқа 120 қыз бала қатысып, бірнеше турдан іріктеліп, финалған 20 қыз шықты. Іріктеу тест кезеңі, жатқа айту және мағынасын айту арқылы анықталды. Жарысқа қаладағы әйел-қыздар секторына қарасты барлық ұстаздар өз шәкірттерін дайындап қатыстырды. Жарыс жеңімпаздарына қаржылай сыйақылар беріліп, алғыс хаттармен марапатталды.
Алматы өкілдігі бойынша баспасөз қызметі