Жаңалықтар

Жаңалықтар Azan.kz жаңалықтары АЛМАТЫДА «НҰР» МЕШІТІ ҚАЙТА САЛЫНЫП ХАЛЫҚ ИГІЛІГІНЕ БЕРІЛДІ

АЛМАТЫДА «НҰР» МЕШІТІ ҚАЙТА САЛЫНЫП ХАЛЫҚ ИГІЛІГІНЕ БЕРІЛДІ

16.08.2024 1 815 0

Бүгін қасиетті жұма қарсаңында күрделі жөндеу жұмысы аяқталған Алатау ауданындағы «Нұр» мешіті жамағатқа қайта есігін ашты.

Мешіттің салтанатты ашылуына Алматы қаласының бас имамы Төлеби Оспан, аудан имамдары мен жанашыр демеуші жамағат, ақсақалдар қатысты. Қаланың бас имамы мешіт жамағатына ҚМДБ Төрағасы, Бас мүфти Наурызбай қажы Тағанұлының құттықтау сәлемін жеткізді. Сонымен қатар мешіт кітапханасына «MUFTYAT» баспасының құнды кітаптар жиынтығы мен Алла аты жазылған бағалы сыйлық табыстады.

Жаңа мешітте Алматы қаласының бас имамы Төлеби Дәділұлы «Отбасын асырауда ер азаматтың міндеттері» тақырыбында жұма уағыз жүргізді. Асыл дініміз Исламда әйел адамның ері алдында орындауы керек міндеттері болғанындай, ер адамның да әйелі алдында атқаратын міндеттері бар екенін айтып, ер азамат отбасының негізгі жауаптысы әрі тәрбиешісі екенін, отағасы жағынан көркем сипаттар көрініс табуы қажеттілігін жеткізді. Уағыз соңынан қаланың бас имамы жамағатпен бірге жұма намазын оқыды.

«Нұр» мешітінің алғашқы іргетасы 1992 жылы қаланып, 240 адамға арналған мешіт халық иігілігіне берілсе, бүгінде ескі мешіт түгелдей сүріліп, орнына бір мезетте 1300 адам құлшылық жасауына жағдай жасалған жаңа мешіт бой көтерді. Мешітке заманауи жылу қазандықтар, аспалы шамдар, жиһаздар, есіктер, дыбыс күшейткіш аппараты қойылды. Жөндеу жұмысы барысында еденге жылу жүйесі жүргізіліп, жаңа кілем төселді. Мешіт қабырғасының іші-сырты, баспалдақтар, ауладағы бастырмаға сырлау, әрлеу жұмыстары жүргізілді. Сонымен қатар мешіт жанынан «Шапағат» қайырымдылық жеке мекемесі бой көтерген. Күрделі жөндеу жасалған ауқымды игі шара мешіт жанашырлары, демеушілерінің қолдауымен іске асты. Осы орайда қаланың бас имамы Төлеби Оспан демеушілерге алғыс хат беріп, жамағат атынан ризашылығын жеткізді. Мешіттің күрделі жөндеуден өтуіне себепкер әрі толық ұйымдастырушысы мешіт имамы Олжас Рахматбекұлын да алғыс хатпен марапаттады.

Алматы өкілдігі бойынша баспасөз қызметі

ДЕРЕККӨЗІ Azan.kz

Ислам ақпараттық-ағарту порталы

Оқырмандардың пікірі (0)

Қызықты тақырыптар

АБАЙ КҮНІ ҚАРСАҢЫНДА «ТОЛЫҚ АДАМ» ІЛІМІ ОҚЫЛДЫ

ҚМДБ Алматы өкілдігінің жылдық жұмыс жоспары негізінде Алатау ауданы «Дархан» мешітінің ұйымдастыруымен Абай күні мерекесіне орай жамағатпен кездесу өтті.

11.08.2024 815 0

БАС МҮФТИ АЛМАТЫ ОРТАЛЫҚ МЕШІТІНДЕ ЖҰМА УАҒЫЗЫН АЙТТЫ

Бүгін Қазақстан мұсылмандары діни басқармасының төрағасы Наурызбай қажы Тағанұлы Алматы қаласының Орталық мешітінде жұма уағызын айтты.

09.08.2024 840 0

«ЖУСАНМЕН» ОРАЛҒАН ОТБАСЫЛАРҒА ҚАЙЫРЫМДЫЛЫҚ КӨМЕК КӨРСЕТІЛДІ

Алатау ауданы мешіттерінің ұйымдастыруымен «Жусан» операциясымен елге оралған 15 отбасыға азық-түлікпен қайырымдылық көмек көрсетілді.

31.07.2024 954 0

«MUFTІYAT» БАСПАСЫНЫҢ ӨНІМДЕРІ ТАБЫСТАЛДЫ

Алматы қаласы, Алатау ауданы «Дархан» мешіті мен Түрксіб ауданы «Фирали Ферғанұлы» мешітінің ұйымдастыруымен КМҚК Алматы көпсалалы колледжінің кітапханасына және Алматы қаласы Түрксіб аудандық Орталықтандырылған кітапхана жүйесінің 10 кітапхана бөлімшесіне ҚМДБ «MUFTІYAT» баспасынан шыққан кітапта...

31.07.2024 917 0

«МҰСЫЛМАНДЫҚ ШАРТЫ» КІТАБЫ НЕГІЗІНДЕ САЙЫС ӨТТІ

Алатау ауданы «Қарасай батыр» мешітінің жамағаттары арасында Шәкәрім Құдайбердіұлының «Мұсылмандық шарты» еңбегі толық оқылып, кітап негізінде сайыс өткізілді....

31.07.2024 938 0

ИСЛАМ ҒЫЛЫМИ-ЗЕРТТЕУ ИНСТИТУТЫНЫҢ ДИРЕКТОРЫ ТАҒАЙЫНДАЛДЫ (ФОТО)

Бүгін Бас мүфти Наурызбай қажы Тағанұлының бұйрығымен белгілі ғалым, филология ғылымының кандидаты, доцент Төрәлі Қыдыр Алматыда ашылған ҚМДБ жанындағы Ислам ғылыми-зерттеу институтының директоры болып тағайындалды....

31.07.2024 443 0