Оразаның қазасы мен кәффараты қалай өтеледі?

25.05.2020 7 096 0

– | A | +

Сұрақ: Оразаның қазасы мен кәффараты қалай өтеледі?

Жауап: Ораза тұтуға толық мүмкіндігі бола-тұра ауыз бекітпеген, үзірлі себеппен ораза ұстамаған, сондай-ақ, ұмытып кетіп ауыз бекітпеген балиғат жасындағы мұсылмандар оразаның қазасын өтейді. Ал, оразаға ниет етіп, бірақ еш себепсіз немесе нәпсісін тежей алмай оразасын бұзған мукаллиф (балиғат жасына жеткен) мұсылмандар оразаның кәффаратын (тиісті қарымтасын) өтейді.

Парыз оразаның кәффаратын өтеу үшін бір құлды немесе күнді азат етуі керек. Егер, оған шамасы жетпесе, қаза болған оразаның бір күніне алпыс күн ораза ұстауы тиіс. Мысалы, Алла Елшісі (с.ғ.с) ораза тұту барысында әйелімен жақындасса, ол күннің кәффаратын (Бұқари, «Сәум», 30-31) өтейтіндігін ескерткен. Алайда, кәффарат оразаны Рамазан айында немесе ораза ұстауға болмайтын күндері тұтуға болмайды.

Сапарға шығып жолаушы болған немесе сырқат болуына байланысты ауыз бекіте алмаса, оның басқа уақытта ораза тұтып, қазасын өтейді. Ал, денсаулығын қарттық алған, жүкті немесе сәби емізген һәм созылмалы дертке (туберкулез, қатерлі ісік, қант диабеті, асқазан жарасы, тыныс және жүрек демікпесі) ұшыраған мұсылмандар ұстай алмаған ораза күндері үшін ауыз бекіткен жанның таң ертеңгі (сәре) және кешкі асын (ифтар) беріп (фидия), қарнын тойдыруы қажет. Тамақтың (сәре мен ифтар есептеледі) ақшасын беріп те фидия жасауға болады. Бұл жөнінде Алла тағала Құран Кәрімде:

«Парыз ораза санаулы әрі белгілі күндерде ғана өтеледі. Араларыңнан әлдекім ауырып қалып немесе сапарда жүріп ораза ұстамаса, (қаза болған күндерін) басқа уақытта ұстасын. Ораза ұстауға шамасы әзер жететіндер (яғни, қарттар және созылмалы дертке шалдыққан науқастар қаза болған әр күнге) підия ретінде бір жарлының (бір күндік екі мезгіл) тамағын (немесе соның құнын ақшалай) беруі керек», – деді («Бақара» сүресі, 184-аят) деп бұйырады.

Ұмытып кетіп ауыз бекітпеген немесе білместікпен ораза кезінде тамақ ішіп қойғандар оразаның қазасын тұтады. Қаза болған оразаның бір күніне бір күн ауыз бекітеді.

Оразаның қазасы мен кәффаратын өтеуге мүлде шамасы келмеген мұсылмандар тұта алмаған оразасы үшін Алла Тағаладан ынты-шынтысымен кешірім сұрауы қажет.

Мұхан Исахан

Предыдущий	Следующий
Алтын және күміс әшекейден зекет беру міндет пе?	Шәууәл айында 6 күн ораза ұстау міндет пе?
27.05.2020 7562 0	25.05.2020 6434 0

Оқырмандардың пікірі (0)

Қызықты тақырыптар

Сұрақ-жауап Ораза айт күні сәресін ішуге бола ма?

Шариғат кітаптарында ораза айт күні мешітке барудан бұрын дәм ауыз тию – мұстахап, делінген (Фатху бабил-ғиная, 1/573).

23.05.2020 7 006 0

Сұрақ-жауап Ораза кезінде абайсызда су жұтып қойған адам не істейді?

Жауап: Ханафи мәзһабы бойынша Рамазан айында ауыз бекіткен адам абайсызда немесе әдейі оразасын бұзса, сол күнгі оразасын соңына дейін ұстауы керек.

09.05.2020 6 096 0

Сұрақ-жауап Ұйықтап қалып, сәресіні өткізіп алған кісілер не істейді?

Жауап: Сәресі ішу – парыз емес. Ұйықтап яки басқа себептермен сәресіні өткізіп алғандар ештеңе ішіп-жеместен ораза ұстауын ары қарай жалғастыра береді. Бірақ, сәресіні жіберіп алмауға тырысқан жөн. Хадисте: «Сәресі ішіңіздер, себебі, сәресіде берекет бар. Бір жұтым су ішсеңдер де сәресіні тастамаңда...

04.05.2020 5 621 0

Сұрақ-жауап Намаз оқымаған адамның ораза ұстауына бола ма?

Жауап: Ораза – жеке-дара құлшылық. Намаз оқымаған адам да ұстай алады. Ораза – Ұлы Жаратқанға жақындаудың бір түрі. Мұны болмайды деп тыю дұрыс емес. Намаз оқымайтын кісі ораза арқылы дінге бір табан жақындап, келер жылдары намазға жығылуы әбден мүмкін. Ораза ұстаған кісіге «Оразаң қабыл болсын!» де...

30.04.2020 4 404 0

Сұрақ-жауап Жарапазан қандай жыр?

Әлі күнге дейін есімнен кетпейтін бір оқиға бар. Ұмытылмас мезет. Сонау бала күнімде еді. Ауылдың ересек балалары біз сияқты бозөкпелерді жандарына ертіп алып, үй-үйді аралайтын. Әр үйдің есігін қағарда әп-әдемі жырлар айтатын. Дидар деген ересектеу көршіміз: «Сендер, сөз арасында былай деп айтасыңд...

30.04.2020 9 802 0

Сұрақ-жауап Ауыз бекіткенде тіс пастасын қолдануға бола ма?

Жауап: Ораза ұстаған адам ауызын тазалауына болады. Тіпті Пайғамбарымыз (оған Алланың салауаты мен сәлемі болсын): «Аузы берік кісінің тіс тазалағышы ол – мисуак», [1] - деген......

28.04.2020 5 598 0