Етбетімен жату күнә ма?

18.02.2020 13 342 0

– | A | +

Ислам дінінде тыйым салынған және жасалынуы күнә болатын іс-әрекеттер бар. Солардың бірі етбетімен жату, оның үкімі – мәкруһ. Сахаба Тухфату әл-Ғифари былай дейді: «Мен сәресі уақытында мешітте етбетіммен жатқан едім. Кенет бір кісі мені түртті де: «Мына жатыс Алла Тағаланың қаһарына ұшыратады», – деді. Қарасам: Алла Елшісі (Оған Алланың салауаты мен сәлемі болсын) екен»[1] - дейді. Тағы бір риуаятта: «бұл тозақтықтардың жатысы», – делінген.

Сол секілді, Әбу Һурайрадан (Алла оған разы болсын) жеткен хадисте: «Алла елшісі (Оған Алланың салауаты мен сәлемі болсын) қарнымен жатқан адамды көргенде: «Алла Тағала бұл жатысты жақсы көрмейді»[2], – деген.

Имам Науауи: «Егер біреу ұйықтауға бет алса, оң жағымен жатқаны мустаһаб. Ал етбетімен жату мәкруһ. Сонымен қатар дәрет алып, Алланы еске алып барып төсегіне жату да сауапты іс»[3], – деп жатар алдында айтылатын зікірлерге қатысты бірнеше хадисті келтіреді. Соның бірі Хузайфадан жеткен хадисте Пайғамбарымыз (Оған Алланың салауаты мен сәлемі болсын) түнгі ұйқыға кетер алдын алақандарыңды жайып былай дұға етіңдер деп мына дұғаны оқыды: «Аллаһуммә бисмикә әмуту уә әхя». (Уа, Алла! Тек Сенің есіміңмен өлеміз және тірілеміз). Ұйқыдан тұрған кезде мына дұғаны оқыңдар деді: «Әлхамдулилләһи әлләзи ахиаана бағда мә әмәәтәнә уә иләйһин-нушур» (Өлгеннен кейін қайта тірілткен Аллаға мадақ болғай! Өлгеннен кейін қайта тірілуіміз тек Оған ғана тән)»[4], – деген.

Қорыта айтқанда, ер кісіге де әйелге де етбетімен жатуға тыйым салынады. Алайда сүннет бойынша оң жағымен жатып, түнде аунап, етбетімен оянатын болса оның оқасы жоқ. Сондай-ақ, басқа қырымен жатуға мүмкіндік болмаса, зәрулік жағдай болғандығы үшін «Зәрурат кезінде тыйым салынған нәрселерге рұқсат етіледі», «зәрулік белгілі мөлшерімен ғана мөлшерленеді [5] деген фиқһи қағидаға орай етбетімен жатуға рұқсат.

[1] Ахмад, Термизи, Әбу Дәуіт.

[2] Термизи.

[3] Мажмуғ шарху әл-Муһзиб, 5/449.

[4] Термизи, №2417.

[5] Ибн Нужәим, әл-Әшбәһу ән-нәзайыр, 73.

fatua.kz

Предыдущий	Следующий
Абайдың отыз бесінші қара сөзіне Құраннан тәпсір	Қалмахан ЕРЖАН: «Діни фанатизмге жол бере алмаймыз»
19.02.2020 7817 0	14.02.2020 4829 0

Оқырмандардың пікірі (0)

Қызықты тақырыптар

Сұрақ-жауап Пайғамбарымыз (с.ғ.с.) қабірінде тірі ме?

Жауап: Әуелі осы «өлі» және «тірі» деген сөздердің басын ашып алайық. Егер оның ара жігін айырып алсақ, көптеген түсінбеушіліктерден құтыламыз. Ендеше Пайғамбарымыздың (с.ғ.с.) қабірінде тірі дегеннің мақсаты ол бұл дүниеден өткен жоқ әрі Алла оның жанын алмады деген болса, онда бұл пікірдің дұрыс ...

13.02.2020 6 868 0

Сұрақ-жауап Ғұрыпты шариғи дәлел ретінде қарастыруға болады ма?

Әдет-ғұрып мұсылман заңнамасында кейбір мәселелерді шешуде айғақ ретінде қолданылады әрі шариғат ғалымдары арасында мақұлданған. Ханафи мазһабының кейбір өкілдері шариғат ережесіне сай келген ғұрып нақтылы шарғи дәлел ретінде қарастырылатындығын айтқан. Бұл тұрғыда фиқһ негіздерін зерттеуші ғұламала...

11.02.2020 3 855 0

Сұрақ-жауап Құмар және лотерея ойындарының үкімі

Уа, иман келтіргендер! Арақ-шарап (сынды мас қылып, ақылынан адастыратын нәрселер), құмар һәм өзге де ұтыс ойындары, табыну үшін орнатылған пұттар және жебелермен (яки құмалақ, карта сынды басқа да нәрселермен) бал ашу – шайтанға ғана тән лас істер. Ендеше, (екі дүниеде де) мақсат-мұраттарыңа жету ү...

07.02.2020 7 192 0

Сұрақ-жауап Таң намазынан кейін қаза болған намаздарды оқуға болады ма?

Таң намазы оқылып болған соң, күн шыққанға дейін нәпіл намаздарды оқу – мәкруһ. Алайда бұл уақытта қаза намаздарды оқуға болады.

04.02.2020 23 386 0

Сұрақ-жауап "Нумерологияға" сенуге бола ма?

Тылсым күштерге қызығу – адам баласына тән дүние. Көбінесе бұл арқылы тағдырдағы жазмышты біліп, болашақты үйрену немесе мінез-құлық ерекшелігін анықтау көзделеді. Соның бірі – қазір қоғамда кең таралып жатқан нумерология ілімі. ...

29.01.2020 12 849 0

Сұрақ-жауап Исламда жасанды интеллектке қалай қарайды?

Жасанды интеллект – адамның санасы сияқты әртүрлі функцияны басқара алатын күрделі механизм. Мысалы, күнделікті өміріміздің қолайлы болуына қызмет етіп, оның айырылмас бөлігіне айналып бара жатқан компьютер, жүргізушісі жоқ көлік, робот және смартфондар – соның айғағы. Алайда әлемде жасанды интеллек...

22.01.2020 6 272 0