ЖҰМАДА НАИБ МҮФТИ «ТӨЛЕ БИ» МЕШІТІНДЕ УАҒЫЗ АЙТТЫ
Бүгін қасиетті жұмада ҚМДБ наиб мүфтиі Кенжеәлі қажы Қоңыратбайұлы Алмалы ауданы «Төле би» мешітінде «Судың да сұрауы бар» тақырыбында жұма уағызын өткізіп, мешіт жамағатымен жүздесті.
Жұма уағызында суға қатысты шариғи үкімдер жайын айтып, оны үнемдеу жайына тоқталды. «Сусыз барлық тірі ағза құрдымға кетеді. Тіпті бір жасушалы ағзаға да су керек, сондықтан суды үнемдеп пайдалану қажет. Ол шариғатпен де бекітілген. Күнделікті өмірде, дәрет, бойдәрет алғанда суды керегінен артық қолданғанымыз үшін де сұралатынымызды естен шығармауымыз керек. Алла Тағала қасиетті Құранның «Такасур» сүресі, 8-аятында «Сосын сендер сол күні нығмет атаулыдан міндетті түрде сұраласындар», – деп ескерткен. Сондай-ақ «Ағраф» сүресі, 3-ші аятында: «... жеңдер, ішіңдер, бірақ ысырап етпеңдер. Расында, Ол (Алла) ысырап етушілерді әсте ұнатпайды», – деген Құран аяттарын айтты наиб мүфти.
Экология, биология ілімдерінің ғалымдары суды қажетінен артық қолдану әлемдік мәселелерге әкеліп, барлық тіршілік атауына қауіп-қатер туғызатынын, Құранмен, сүннетпен бекіген амалдарды орындауға көңіл бөлу қажеттілігін айтып, жұма уағызы соңынан жамағатпен жұма намазын оқыды. Ақсақалдармен бірге ел амандығы мен тыныштығы үшін дұға жасады.
Алматы өкілдігінің баспасөз қызметі
Тақырып бойынша жаңалықтар
Қызықты тақырыптар
Намаз уақыттары 
.jpg)
.jpg)
