АЛМАЛЫ АУДАНЫНДА АЛҚАЛЫ ЖИЫН ӨТТІ
Алматы қаласының бас имамы Төлеби Оспан Алмалы ауданында діни қызметті жетілдіруге арналған мәжіліс өткізді.
Бас мүфти бастамасына сәйкес, биылғы өкілдік жоспарына жұмысты үйлестіруге, жоспарды жүйелі орындауға және аудандағы мешіт имамдарының ұсыныс-пікірлерін тыңдау үшін қаладағы 8 ауданда жеке-жеке жиын өткізу жоспарланған болатын. Осыған орай, бүгін Төле Би мешітінде арнайы жиын өтті. Оған діни қызметкерлер мен ұстаздар, Алматы Орталық мешітінің найб имамдары қатысты.
«Бұл басқосудың мақсаты – ауданға қатысты сұрақтарды жеке қарастырып, атқарылатын іс-шаралардың жоспарын пысықтау, жұмыс барысында кездесетін қиындықтарды дер кезінде шешу, ауданға қарасты мешіт қызметкерлерімен кездесіп, олардың ұсыныс-пікірлерін тыңдау болып табылады», - деп атап өтті бас имам Төлеби Дәділұлы.
Жиында Төлеби Оспан «Ислам және отбасы құндылығы» жылы аясында Алмалы ауданы бойынша «Дін мен дәстүр», «Ихсан және Насихат», «Діни оқу-ағарту» және «Жат діни ағымдардан сақтандыру» бағыттары бойынша іс-шаралардың орындалу барысына тоқталды. Олардың орындалу тетіктерін тарқатып айтып берді.
Сонымен қатар бағыттарға жауапты Орталық мешіттің найб имамдары діни қызметті жетілдіруге қатысты ұсыныс-пікірлерін ортаға салды. Өз кезегінде ауданға қарасты имамдардың да ұсыныстары тыңдалды. Шаһар имамы дін қызметкерлерін аталған іс-шараларды жүзеге асыруда белсенді болуға шақырды.
Тақырып бойынша жаңалықтар
Қызықты тақырыптар
Намаз уақыттары 
.jpg)
.jpg)
.jpg)
.jpg)
