«РАМАЗАН - ҚҰРАН АЙЫ» ҚҰРАН ОҚУДАН САЙЫС ӨТТІ
ҚМДБ Алматы өкілдігінің жылдық жоспары аясында, Нұр-Мүбарак оқу-әдістемелік мешітінде Бостандық ауданы бойынша «Рамазан – Құран айы» тақырыбында Фәжр сүресінен Нәс сүресіне дейін жатқа Құран оқу сайысы ұйымдастырылды.
Берекелі Рамазан айында өткен бұл игі шараның басты мақсаты – жас шәкірттердің Құран Кәрімге деген сүйіспеншілігін арттырып, жаттаған аяттарын пысықтап, Құранға қызмет ету жолында ынталандыру болды.
Сайысқа аудан бойынша әр мешіттен жиналған жалпы саны 30 шәкірт қатысып, өздерінің Құран жаттаудағы дайындығы мен ықыласын көрсетті. Барлық қатысушыларға құрмет ретінде 27 шәкіртке алғыс хат табысталып, олардың бесеуіне 10 000 теңге көлемінде ынталандыру сыйлығы берілді.
Ал сайыс қорытындысы бойынша жүлделі орындарды иеленген жеңімпаздар:
1-орын – 70 000 тг Маметов Бахыт – Нұр-Мүбарак мешітінің шәкірті
2-орын – 50 000 тг Жұмағалиев Жандос – Нұр-Мүбарак мешітінің шәкірті
3-орын – 30 000 тг Тлеш Дулат – Байкен мешітінің шәкірті
Сайыстың әділ әрі жоғары деңгейде өтуіне үлес қосқан қазылар алқасының мүшелері – Сұлтанбай Назар, Ақжолтай Бақытжан, Илесбеков Бижан ұстаздарға ерекше алғысымызды білдіреміз.
Алла Тағала Құран жолында еңбек етіп жүрген барша ұстаздар мен шәкірттердің амалдарын қабыл етіп, Құран нұры жүректерімізді әрдайым жарық етсін!
Қызықты тақырыптар
Намаз уақыттары 
