ҚАДІР ТҮНІ 2024: ЕЛ АМАНДЫҒЫ МЕН ТЫНЫШТЫҒЫ ҮШІН ДҰҒА ЖАСАЛДЫ
Алматы Орталық мешітінде қадір түні қарсаңында ҚМДБ Төрағасының орынбасары, наиб мүфти Кенжеәлі қажы Қоңыратбайұлы мен Алматы қаласының бас имамы Төлеби Дәділұлы қадір түнінде уағыз айтты.
Мың айдан қасиетті Қадір түніне арнайы бағдарлама жасалып, имамдар мен ұстаздар уағыз айтты. Қадір түнінің қасиетін сезінуге мешітке ағылған жамағат қарасы көп болып, мешіт іші мен ауласына лық толды. Бас имам «Қадір түні – мың айдан да қадірлі» тақыбырындағы уағыз айтып, жиналған жамағатқа қасиетті түнді дәріптеді. Уағыз соңынан жамағатпен бірге тасқын судан зардап шегіп отырған ел тұрғындары үшін бірлесе дұға жасалды.
Орталық мешіттің наиб имамдары мешітке келген көпшілік қауымға викториналық сұрақтар жүргізіп, алғыр жеңімпаздарға сыйлықтар үлестірді.
Нұр-Мүбарак университетінің проректоры Қайрат Құрманбаев «Ислам - әлемдік дін» тақырыбында уағыз айтып, жамағатқа серпін берді.
Тарауих намазының келесі 4 ракағаты оқылып, мешіт ұстаздары жамағатқа екі ракағаттық намаз оқу үлгісінен дәріс өткізді.
Алматы Орталық мешітінің бас имамы Төлеби Дәділұлының «Рамазаншыл болма, Құдайшыл бол» тақырыбындағы уағызын жамағат жылы қабыл алды. Сонымен қатар бас имам БАҚ өкілдерінің тікелей эфирдегі жаңалықтар бөліміне Қадір түнінің қасиеті жайлы сұхбат беріп, мешіттегі қадір түнін қарсы алу жоспарымен бөлісті. Айта кетсек, Алматы Орталық мешітінен қасиетті қадір түнін тікелей эфирде Азан.кз ютуб каналы арқылы көрсетіліп тұрды
Алматы қаласы әйел-қыздар жамағаты 90 хатым Құран түсіріп, жамағатпен бата жасалды.
Жамағат сауалдарына пәтуа мамандары жауап беріп, еркін ғибадатқа берілген уақытта мешітке келген көпшілік түннің екінші бөлігін жұмыла құлшылыққа арнады. Қасиетті қадір түнінде бата жасап, дұға оқыды.
Мың айдан да қасиетті қадір түнін ғибадатпен өткізуге жиналған жамағатқа Орталық мешітте сәресі бокстары таратылып, көпшілік мешітте ауыз бекітті. Сап түзеп таң намазы оқылып, жұртшылық мың айдан да қадірлі болған Қадір түнінің жақсылығы мен сауабын тілеп, ел тыныштығы мен бірлігі үшін дұға жасады.
Алматы өкілдігінің баспасөз қызметі
Тақырып бойынша жаңалықтар
Қызықты тақырыптар
Намаз уақыттары 
.jpg)
.jpg)
.jpg)
.jpg)
