«НҰР ШАШҚАН ПАЙҒАМБАР (ﷺ)» РУХАНИ МӘУЛІТ КЕШІ ӨТТІ (ФОТО)
ҚМДБ «Әйел-қыздар» секторы Алматы өкілдігіне қарасты Алатау ауданы «Әскер-ата» мешітінің ұйымдастыруымен Мәуліт айының құрметіне орай «Нұр шашқан Пайғамбар (ﷺ)» атты рухани мәуліт кеші өтті.
Мәуліт кешінің шымылдығын «Балдыгүл ана» қыздар қарилық орталығының директоры қари хафиз ұстаз Гүлзат Ескендірқызы Құран оқуымен ашылды. ҚМДБ «Әйел-қыздар» секторы Алматы өкілдігі бойынша жауапты маманы Гүлмира Ілесбайқызы рухани кешке келген қонақтарды Мәуліт мерекесімен құттықтап, Пайғамбарымызға (ﷺ) құрмет көрсетудің маңыздылығы мен дініміздің асыл құндылықтары жайлы насихат айтты. Сондай-ақ ұстаздар Шәмшат Амангелдіқызы, Анар Қанатқызы, Бикамал Ыбырайымқызы Мұхаммед Пайғамбарымыз (оған Алланың салауаты мен сәлемі болсын) жайлы уағыздар айтты.
Рухани кештің басты бөлігі болған Пайғамбар өмірі жайлы жарысына Алматы қаласының 26 мешітінен шәкірттер қатысты. Жарысушы шәкірттерге «Мырзахмет» мешітінің ұстазы Маржан Оразанбайқызы, «Төле би» мешітінің ұстазы Гүлзат Ескендірқызы және «Әл-Азим» мешітінің ұстазы Венера Достанқызы əділ қазылар алқасы құрамында болды.
Марапаттау рәсіміне «Бекет ата» мешітінің бас имамы Ержан Есім және «Бекет ата» мешітінің наиб имамы Ерлан Жеңісұлы қатысып, Пайғамбар өмірін үлгі еткен шәкірт-жастарға алғысын білдірді. Мешіт шәкірттері арасында өткізілген жарыста жүзден жүйрік шығып, жоғары ұпай жинаған «Әл-Азим» мешітінің шәкірті Нұржамал Артыковаға кіші қажылыққа Ұмра сертификаты табысталды. Екінші орын алған «Бақыткелді» мешітінің шәкірті Гүлжазира Каденоваға 100 000 мың теңге, үшінші орынға ие болған «Музаммил» мешітінің шәкірті Айсауле Хасенге 50 000 мың теңге көлемінде қаражат сертификаты берілді. Басқа да шәкірттерге бағалы сыйлықтар берілді. Рухани шара соңында Мәуліт кешіне келген мешіттің әйел жамағатына және құрметті қонақтарға арналған берекелі дастархан жайылып, ас берілді. Игі іс шара ұйымдастырушысы «Әскер-ата» мешітінің ұстазы Әлия Бибалақызы еңбегі мол ұстаздарға, үздік шәкірттерге, келген жамағатқа және Ұмра сапарына демеушілер ұжымына алғысын білдірді.
Тақырып бойынша жаңалықтар
Қызықты тақырыптар
Намаз уақыттары 
.jpg)
.jpg)
.jpg)
.jpg)
