Жаңалықтар

Жаңалықтар Ел тынысы «МҰСЫЛМАН ЗИРАТЫНЫҢ ТӘРТІБІ ЖӘНЕ ӘДЕПТЕРІ» атты семинар өтті (ФОТО)

«МҰСЫЛМАН ЗИРАТЫНЫҢ ТӘРТІБІ ЖӘНЕ ӘДЕПТЕРІ» атты семинар өтті (ФОТО)

25.12.2019 4 275 0

Кеше Нұр-Сұлтандағы Қазақстан мұсылмандары діни басқармасының ғимаратында «Мұсылман зиратының тәртібі және әдептері» атты семинар өтті.

Семинарға ҚМДБ-ның Төрағасы, Бас мүфти Серікбай қазы Ораз, ҚМДБ төрағасының орынбасары, наиб мүфти Ершат Оңғаров, Шариғат және пәтуа бөлімінің басшысы Сансызбай Құрбанұлы, Насихат және қоғаммен байланыс бөлімінің басшысы Батыржан Мансұров, Қайырымдылық және уахып істері бөлімінің басшысы Камалжан Тұрдыбаев, Халал өнімдерін стандарттау бөлімінің басшысы Смайыл Сейітбеков, сондай-ақ бөлім мамандары мен барлық облыстың пәтуаға жауапты қызметкерлері қатысты.

Алғашқы сөзді алған Бас мүфти пәтуа берудің діни және қоғамдық жауапкершілігіне тоқталып, семинар жұмысының маңызын тілге тиек етті. Сонымен бірге, салт пен дәстүрдің сабақтастығын, мамандарға білім мен біліктілікті үнемі арттыру қажеттілігін айтты.

Жиында Қазақстандағы қазіргі зираттардың жағдайы баяндалды және желтоқсан айының басында Ғұламалар Кеңесінде қабылданған «Мұсылман зиратының тәртібі мен әдептері», «Құдай ас беру тәртібі» атты құжаттар таныстырылды. Оны халыққа жеткізу жолдары, әдіс-тәсілдері талқыланды. Сондай-ақ, ритуалдық қызмет көрсету мекемелерінің жұмысын реттеу және құдайы ас-мәзірлерін бірізділікке түсіру жөнінде нақты ұсыныстар беру тапсырылды.

Түстен кейін жиналыстың екінші бөлігінде 2019 жылы атқарған пәтуа жұмысының қорытынды есебіне талдау жасалды. Келесі жылдың жоспары, пәтуа жұмысының бағыт-бағдары түсіндірілді. Семинар соңында өткен жылдың жұмысы бойынша жақсы нәтиже көрсеткен пәтуаға жауапты қызметкерлер мен бөлім мамандарына арнайы сертификат табыс етілді.

ДЕРЕККӨЗІ muftyat.kz

ҚМДБ ресми сайты

Оқырмандардың пікірі (0)

Қызықты тақырыптар

23 000 данамен 9 кітап шықты (ФОТО)

Бұл туралы Қазақстан мұсылмандары діни басқармасы Баспа және аударма бөлімінің басшысы Мұрат Әбдіхалық мәлімдеді.

24.12.2019 3 544 0

Алматы: Құран сырына қаныққан кеш

2018 жылдың соңында Алматыда Құран хатым түсіріп отыратын топ ашылған болатын. Ерекшелігі сол, бұл топтың мүшелері айына, аптасына емес, күнде Құран хатым түсіріп отырады. Осылайша топ ұстаздар мен шәкірттерді, үлкен мен кішіні, Қазақстанның әр аймағындағы жамағатты бір-бірімен байланыстырды....

23.12.2019 3 400 0

Қызылорда: Ұлы мінез иесі – Мұхаммед

ҚМДБ-ның Қызылорда облысы бойынша бас имамы Болатбек Ұласқанұлы Арал және Қазалы аудандарында арнайы сапармен барып, аудан жұртшылығын Мәуліт мерекесімен құттықтады....

23.12.2019 3 402 0

Ақтөбе: "Зекет" қорының 171-үйі берілді

ҚМДБ-ның Ақтөбе облысы өкілдігінің ұйымдастыруымен қаладағы «Өнер» орталығында «Адамзаттың асыл тәжі» атты Мәуліт кеші өтті.

19.12.2019 3 520 0

ҚМДБ: негізгі 4 жұмыс бағыты бекітілді (ФОТО)

Қазақстан мұсылмандары діни басқармасы 2020 жылы негізгі 4 бағыттағы жұмыстарға басымдық беретін болды. ҚМДБ Орталық аппаратының ұсынысымен, Бас мүфти Серікбай қажы Ораздың бекітуімен қабылданған 4 бағыт – уағыз-насихат, сапалы білім, ізгілік, дәстүрлі діни ұстаным....

18.12.2019 7 632 0