МӘУЛІТ - 2024: ЖӘКЕН ОМАР ҚОШТАСУ ҚАЖЫЛЫҒЫН ЖЫРЛАДЫ
Қазақстан мұсылмандары діни басқармасының төрағасы Наурызбай қажы Тағанұлы Республика сарайында өткен «Адалдық жаршысы – Мұхаммед (ﷺ)» тақырыбындағы рухани мәуліт кешіне қатысып, жамағатқа уағыз айтты.
Зиялы қауым өкілдері, ақсақалдар мен мешіт жамағаты, имамдар мен қала тұрғындары қатысқан Мәуліт рухани шарасында «Өнер қырандары» театры адалдық хақында сахналық қойылымдар қойды. Эстрада әншілері иләһи әндерден шашу шашса, киелі домбыра үнімен термелер арқылы Пайғамбарға деген сағыныштарын жеткізді.
Ақын, сазгер Жәкен Омаров жылдағы дәстүрмен пайғамбарымыздың өмірбаянын қазақ тілінде жырлады. Бұған дейінгі мәуліт мерекелерінде Пайғамбарымыздың балалық шағы, одан кейін пайғамбарлықтың келуі, миғражға көтерілуі, одан кейін хижреттің алғашқы жылдары мен Бәдір, Ұхуд ғазауаты, хазреті Хамзаның шейіт болуынан кейін Меккенің алынуына тоқталған болатын. Одан кейін Ұхудтан кейінгі кезең, хазіреті Хафса, Үммү Сәләмә аналар, хазіреті Хусейн, Хасанның туылуы, исламды мойындау, Раджих оқиғасы, Маьуна, құныт дұғасы, яхудилер, арақ-шараптың харам болуы, орамал парыз болуы, Мусталиқ тайпасы, Хандәқ ғазауаты тағы басқа хижреттің 5 жылындағы елеулі оқиғалар баяндалды. Биылғы жылы Пайғамбарымыздың (оған Алланың салауаты мен сәлемі болсын) өмірбаянынан хижреттің 9-10 жылдары, яғни, Алла елшісінің қоштасу қажылығын қазақ тілінде жырлады. Адамзаттың ардақтысы, соңғы Пайғамбар Мұхаммедтің (оған Алланың салауаты мен сәлемі болсын) өнегелі ғұмырын көрермен тапжылмай тыңдады. Сүйікті Пайғамбарға (оған Алланың салауаты мен сәлемі болсын) көрермен аяқтан тік-тұрып сағынышқа толы салауат жырларын арнады.
Алматы өкілдігінің баспасөз қызметі
Тақырып бойынша жаңалықтар
Қызықты тақырыптар
Намаз уақыттары 
.jpg)
.jpg)
