Бір жыл күткен сәт: Бас мүфти жұма намазын жүргізді (ФОТО)

05.02.2021 3 571 0

Бүгін Қазақстан мұсылмандары діни басқармасының төрағасы Наурызбай қажы Тағанұлы киелі Түркістан облысына ресми сапармен барды. Сапар барысында Бас мүфти Отырар ауданы Шәуілдір елді-мекені Есен ана мешітінде жұма намазын жүргізді. Жұма намазға ҚМДБ Аппарат басшысы Ғылымбек Жәдігерұлы, Шариғат және пәтуа бөлімінің меңгерушісі Сансызбай қажы Құрбанұлы қатысты.

Жамағатқа насихат айтқан Наурызбай қажы Тағанұлы:«Аллаға сансыз шүкірлер болсын! Бүгін бір жылға жуық асыға күткен жұма намазын оқуға мүмкіндік алдық. Қауіпсіз «жасыл аймақта» орналасқан мешіттерімізде жұма намазын оқуға рұқсат берілді. Мінекей, сіздердің дұғаларыңыздың арқасында, ортақ пәтуаға бағынған бірлігіміздің нәтижесінде осындай оң шешімнің қабылдануына себепші болдық. Тәубә! Осы күнге жеткізген Жаратқанға мың тәубә!

Өздеріңіз жақсы білесіздер, бүгінде барша әлем жұқпалы індеттің зардабын әлі күнге дейін көріп келеді. Әрине, бәріміз жұма намазын сағындық. Алайда осындай жақсы сезім бір-бірімізге қиянат жасауға әкеп соқпауы керек.

Осы ретте сіздерді жұма намазы кезінде санитарлық талаптарды қатаң сақтауға шақырамын. Әуелі өзімізді, содан кейін өзгені жұқпалы дерттен сақтайық. Алла Тағала тәртіпке бағынып, ұдайы жұма намазымызды оқуды нәсіп еткей. Раббымыз еліміздегі барлық мешіттің есігін жұма намазға толық ашуды нәсіп еткей! Ұрпағымызды салиқалы еткей. Аса рақымды Хақ Тағала жер бетінін жұқпалы індетті жойып, жақсы күндерде жүздесуді жазғай. Әмин» деді.

Айта кетсек, бүгін Есен ана мешітіне келген жамағат дене қызуын тексеретін құрылғы арқылы құлшылық үйіне кірді. Жұма намазы санитарлық талаптарға сәйкес өткізілді. Имамдар күшейтілген режимде қызмет етті.

ДЕРЕККӨЗІ muftyat.kz

ҚМДБ ресми сайты

Оқырмандардың пікірі (0)

Қызықты тақырыптар

Бас мүфти «Парасат жолы» жобасының таныстырылымына қатысты

Елордадағы Ұлттық академиялық кітапханада «Парасат жолы» жобасының таныстырылымы өтті.

04.02.2021 1 771 0

Қазақстан мұсылмандары діни басқармасының коронавирусқа қарсы екпе салуға қатысты мәлімдемесі

Ал шариғат бойынша зәру жағдайда екпе салуға болады. Алайда екпе салдыру – әр азаматтың өз еркі. Алла Тағала халқымызды жұқпалы індеттен сақтап, науқас жандарға шипа нәсіп етсін!...

04.02.2021 1 905 0

«HALAL GUIDE» мобильді қосымшасы іске қосылды

Еліміздің қай аймағында болсаңыз да, сізге халал өнімді табуға көмектесетін «Halal Guide» мобильді қосымшасы іске қосылды.

03.02.2021 2 193 0

Қаңтар айында 7924 діни сұраққа жауап берілді

ҚМДБ Шариғат және пәтуа бөлімі мамандары, қала және облыстардағы пәтуаға жауапты қызметкерлер, сондай-ақ республикалық Сall-орталығы қаңтар айында халықтан түскен 7924 діни сұраққа жауап берді....

02.02.2021 1 488 0