AMIN.KZ медиа орталығы жұмысын бастады

30.01.2021 2 319 0

Атырау орталық мешітінде amin.kz сайтының төл жобаларын жүзеге асыру мақсатында арнайы медиаорталық ашылды.

Аmin.kz медиа орталығының ашылуына ҚМДБ Ақпарат және қоғаммен байланыс бөлімінің меңгерушісі Марат Бектазинов арнайы келіп қатысып, сәттілік тіледі.

«Тәуелсіздіктің 30 жылдық мерейлі датасымен тұспа-тұс келіп отырған осынау қуанышты жаңалық дінімізді дәріптеуде жаңаша форматта жұмыс істеуге мүмкіндік береді. Дін қызметкерлерінің алдында медиакеңістіктің заманауи мүмкіндіктерін пайдалану міндеті тұр» деп атап өтті Марат Бектазинов.

Заманауи техникалық құрал-жабдықтармен қамтамасыз етілген медиаорталық базасында роликтер, рұхани сұхбаттар, адамгершілік, ізгілік құндылықтарын дәріптейтін уағыз-насихаттар түсіріледі. Сонымен бірге әлеуметтік желі мүмкіндіктерін көбірек қолдану жоспарда бар. Яғни медиаорталықта фейсбук, инстаграм желілері, ютуб каналдары арқылы тікелей эфирлер өткізіледі.

«Имамдар, ұстаздар, дін қызметкерлері желі қолданушыларының сауалдарына тұрақты түрде жауап береді. Бұл да болса уағыз-насихат форматының жаңарып, жалпы аудиторияны кеңейту мақсатында іске қосылып отырған механизм» деді Атырау облысының бас имамы Алтынбек Ұтысханұлы.

Қазіргі уақытта Атырау облысында 33 мешіт бар. Бас имамның тапсырмасымен, аталған мешіттердің барлығында инстаграм, фейсбук желілерінен ресми парақшалар ашылып, жұмыс істеуде.

amin.kz

Оқырмандардың пікірі (0)

Қызықты тақырыптар

1 1

Ақпанда онлайн дәрістер басталады (ФОТО)

Елдегі эпидемиологиялық ахуалдың жақсармауына байланысты былтыр қолға алынған онлайн дәрістер қайта жалғасады.

30.01.2021 1 893 0

CORDIAL: Алматыда ерлер мен әйелдер бөлек жаттығатын спорт клубы жұмыс істейді (ФОТО)

Жаңа заман талабына сай жоғары деңгейдегі заманауи форматтта CORDIAL SPORT KLUB кешені ашылды.

30.01.2021 2 265 0

«Салиқалы ұрпақтың» университетке сыйы

«Салиқалы ұрпақ» қоғамдық қорының директоры Қасым Қасабеков араб тілін үйренуге арналған арнайы оқулықтар жинағын Нұр-Мүбарак университетіне сыйға тартты. Осылайша бір топтамаға 5 кітап кіретін 50 топтама Мысыр елінен тікелей университет кітапханасына жеткізілді....

29.01.2021 1 646 0

Ірі қалалар мен үлкен жол бойындағы мешіттер электронды картаға енгізіледі (ФОТО)

Бүгін елордада Бас мүфти Наурызбай қажы Тағанұлының төрағалығымен бөлім сағатының кезекті мәжілісі өтті. Бөлім сағатында ҚМДБ Мешіт істері бөлімінің меңгерушісі Марат Жаппасбаев есеп берді....

28.01.2021 1 411 0

Атырауда «ХАЛЫҚ АРНА» телеарнасының филиалы ашылды

Бүгін Атырауда «Халық арнаның» аймақтағы филиалы ашылып, жұмысын бастады. Қазақстан мұсылмандары діни басқармасы төл арнасының филиалы тұңғыш рет Атырау облысында ашылып отыр....

28.01.2021 1 654 0

Бас мүфти елші кеңесшісіне айрықша алғыс білдірді

Бүгін елордада Қазақстан мұсылмандары діни басқармасының төрағасы Наурызбай қажы Тағанұлы Түркия елшісінің діни істер жөніндегі кеңесшісі Галиб Акынмен кездесті....

27.01.2021 1 485 0