Бас мүфти «Парасат жолы» жобасының таныстырылымына қатысты

04.02.2021 1 771 0

Елордадағы Ұлттық академиялық кітапханада «Парасат жолы» жобасының таныстырылымы өтті.

Жаңа жобаны зиялы қауымға Мəдениет жəне спорт министрі Ақтоты Райымқұлова мен Сыбайлас жемқорлыққа қарсы іс-қимыл агенттігінің төрағасы Алик Шпекбаев таныстырды.

Жобаның таныстырылымына ҚМДБ Төрағасы, Бас мүфти Наурызбай қажы Тағанұлы, Қазақстан Жазушылар одағы басқармасының төрағасы Ұлықбек Есдәулет, қаламгерлер Ақұштап Бақтыгереева, Баянғали Әлімжанов, Көпен Әмірбек, Дәулеткерей Қәпұлы, Жабал Ерғалиев, басқа да зиялы қауым қатысты.

Жиында сөз алған Бас мүфти «Адалдық алаңы» жобасы азаматтарымыздың сыбайлас жемқорлыққа қарсы мінез-құлық үлгісін одан әрі дамытуды көздейтінін айта келіп, ортақ іске үлес қосуға шақырды.

«Ислам діні – үлкен не кішілі сыбайлас жемқорлық пен пара берудің қандай да бір түріне Құран мен сүннет дәйектеріне сай қатаң тыйым салып, тіпті, ауыр күнәлар санатына да жатқызады. Шариғат шеңберіндегі қандай да бір тыйымдарын алып қарасаңыз, адам мен қоғамның дамуына негізделген. Аллаға шынайы құлшылық-ғибадат жасап, айтқандарын бұлжытпай орындауға тырысқан жанның үйінде береке атаулысы ұялайды. Ұлағатты данышпан бабаларымыз «Аз болса да берекесін берсін» деп босқа айтпаған. Мемлекет басшысы Қасым-Жомарт Тоқаев «Тәуелсіздік бәрінен қымбат» мақаласында: «Біз әділетті қоғам мен тиімді мемлекет құруды көздеп отырмыз. Кез келген істе әділдік қағидатын басшылыққа алсақ, бұған анық қол жеткіземіз» деп жазған еді. Ендеше қоғам болып осы іске үлес қосайық. Алла Тағала елімізге жақсылығын жаудырғай!» деді Наурызбай қажы Тағанұлы.

Айта кетейік, «Адалдық алаңы» жобасы аясында іске асатын «Парасат жолы» орталығы еліміздің барлық өңіріндегі облыстық кітапханадан ашылмақ.

ДЕРЕККӨЗІ muftyat.kz

ҚМДБ ресми сайты

Оқырмандардың пікірі (0)

Қызықты тақырыптар

Қазақстан мұсылмандары діни басқармасының коронавирусқа қарсы екпе салуға қатысты мәлімдемесі

Ал шариғат бойынша зәру жағдайда екпе салуға болады. Алайда екпе салдыру – әр азаматтың өз еркі. Алла Тағала халқымызды жұқпалы індеттен сақтап, науқас жандарға шипа нәсіп етсін!...

04.02.2021 1 906 0

«HALAL GUIDE» мобильді қосымшасы іске қосылды

Еліміздің қай аймағында болсаңыз да, сізге халал өнімді табуға көмектесетін «Halal Guide» мобильді қосымшасы іске қосылды.

03.02.2021 2 193 0

Қаңтар айында 7924 діни сұраққа жауап берілді

ҚМДБ Шариғат және пәтуа бөлімі мамандары, қала және облыстардағы пәтуаға жауапты қызметкерлер, сондай-ақ республикалық Сall-орталығы қаңтар айында халықтан түскен 7924 діни сұраққа жауап берді....

02.02.2021 1 488 0