БАС МҮФТИ БАС ЖҮЛДЕ ИЕЛЕНГЕН ҚАРИҒА АВТОКӨЛІК КІЛТІН ТАБЫСТАДЫ
Бүгін Жетісу облысы, Талдықорған қаласындағы «Иман» мешітінде Қазақстан мұсылмандары діни басқармасының ұйымдастыруымен Құран Кәрімді жатқа және мәнерлеп оқудан ХІV республикалық байқауы мәресіне жетті.
80 үміткер қатысқан байқаудың жеңімпаздары мен жүлдегерлерін марапаттау рәсіміне ҚМДБ Төрағасы, Бас мүфти Наурызбай қажы Тағанұлы, сауапты іс-шараға демеушілік жасаған Бахаридин Аблазимов, зиялы қауым өкілдері мен қала тұрғындары қатысты.
«Қазақ елі ертеден Құран десе құлағы түрулі тұратын, Алланың сөзін құрмет тұтатын халық. Кімнің үйіне барсаңыз да төрінде Құран тұрады, ал оны біреу оқыса, ұйып тыңдайды. «Ағраф» сүресіндегі: «Қашан Құран оқылса, Оған құлақ салып тыңдаңдар да үндемеңдер. Әрине мейірімге бөленерсіңдер» деген аятқа амал еткен ата-бабамыздың жолы бізге де нәсіп болып отыр.
Аллаға сансыз шүкір, елімізде жыл санап қариларымыздың қатары артып келеді. Тәуелсіздік алған жылдары Құран оқи алатын адамдарға төрден орын берсек, одан кейін оның бірнеше парасын жаттап алған, тағы бір кезеңде Құранды толық жаттаған қариларға айрықша құрмет көрсетілді. Ал бүгінгі таңда Құран оқудан ижазасы бар қари көрсек, жүрегіміз елжірейді. Осы байқауды өткізуге демеуші болған Бахаридин Нұғманұлына, Данияр Жұмабаев қариымыз бастаған әділқазы мүшелеріне алғысымды білдіремін. Байқауға қатысқан қариларымыздың бәрі жеңімпаз атанды деп санаймын. Өйткені бұл байқау әрбір қариға үлкен жігер сыйлады. Жүлделеріңіз құтты болсын» деді Бас мүфти марапаттау рәсімінде.
Сонымен қазылар алқасының шешімімен 4 аталым бойынша жеңіс тұғырынан көрінген қарилардың тізімі төмендегідей:
Толық Құранды жатқа оқудан;
1-орын Автокөлік - Есімбек Арсен (Алматы қаласы)
2-орын (4 000 000 тг.) - Хусей Расул (Жамбыл облысы)
3-орын (3 000 000 тг.) - Ығылман Мұхаммед (Ақмола облысы)
4-орын (1 500 000 тг.) - Мырзатай Рақымжан (Маңғыстау облысы)
5-орын (1 000 000 тг.) - Сейтқасым Нұртілеу (Алматы облысы)
Құранның 20 парасын жатқа оқу бойынша;
1-орын (3 000 000 тг.) - Шакиров Мұхаммадали (Шымкент қаласы)
2-орын (2 000 000 тг.) - Жұмабай Нұрмұхаммед (Абай облысы)
3-орын (1 500 000 тг.) - Мағауия Айқын (Алматы облысы)
4-орын (800 000 тг.) - Хамитов Мырзабек (Ақтөбе облысы)
5-орын (500 000 тг.) - Мырзахмет Махмұт (Алматы қаласы)
Құранның 10 парасын жатқа оқу бойынша;
1-орын (1 500 000 тг.) - Бекболат Алайдар (Жетісу облысы)
2-орын (1 000 000 тг.) - Нұрислам Тұражанов (Алматы облысы)
3-орын (750 000 тг.) - Әбіл Нұрмұхамед (Ұлытау облысы)
Құранды мәнерлеп оқу бойынша;
1-орын (700 000 тг.) - Ұлан Балтабай (Атырау облысы)
2-орын (500 000 тг.) - Нұрмұрат Абдулла (Ақмола облысы)
3-орын (300 000 тг.) - Ахмет Нұрланұлы (ШҚО)
Сондай-ақ, 10 пара бойынша сайысқа түскен ең жас қари Құралбай Мұхәммәд (БҚО, 6 жаста) «Көрермен көзайымы» номинациясымен (200 000 тг.) марапатталды.
Жарысқа қатысып, жүлде алмаған үміткерлердің әрқайсына 70 000 теңгеден берілді.
Еске сала кетейік, екі күнге созылған Құран байқауы «Муфтият ҚМДБ» YouTube-арнасынан онлайн көрсетілді.
.jpg)
Тақырып бойынша жаңалықтар
Қызықты тақырыптар
Намаз уақыттары 
.jpg)
.jpg)
.jpg)
.jpg)
