ӘЖЕЛЕР МЕКТЕБІ СЕМИНАР ӨТКІЗДІ
Алматы қаласы, ҚМДБ «Әйел-қыздар» секторының ұйымдастыруымен «Абай Құнанбайұлы» мешітінде «Қызға қырық үйден тыйым» атты әжелер мектебінің семинары өтті.
Әжелер мектебінің төрайымы, «Әл-Хамид» мешітінің ұстазы Жұмагүл Халилуллақожақызы семинар мақсатымен таныстырды. «Заря Востока» мешітінің ұстазы Ләйла Раязқызы «Әжелердің рухани тұлғалық дамуы» тақырыбында баяндама жасады. «Әл-Мәдина» мешітінің ұстазы Айнұр Шаймерденқызы әжелермен жылдық жоспарды талқылап, ұрпақ тәрбиесі, дін мен дәстүрді насихаттаудағы асыл аналарымыздың рөлі туралы айтты.
Орталық мешіт шәкірттері Хафузат Ысқаққызы, Құралай Есенаманқызы аналардың ұрпаққа қалдырар тәрбиесі қандай болу керектігі жөнінде әңгімеледі. Дәстүр құндылықтарын дәріптеу, аналарымыздың қолөнер шеберліктерін қыз-келіншектерге үйрету мәселесін «Ақсай» мешітінің шәкірті Күлтасова Аяш апа тәжірибесімен бөлісті.
Алматы өкілдігінің баспасөз қызметі
Тақырып бойынша жаңалықтар
Қызықты тақырыптар
Намаз уақыттары 
