«ӘЙЕЛДЕРГЕ АРНАЛҒАН 30 ХАДИС» КІТАБЫНАН САЙЫС ӨТТІ
Алматы қаласы, Наурызбай ауданы «Мұхаммед әл-Әмин» мешітінде сауат ашу дәрістеріне қатысып жүрген қыз-келіншектер арасында «Әйелдерге арналған 30 хадис» кітабы бойынша интелектуалды жарыс өтті.
ҚМДБ «Әйел-қыздар секторы» Алматы өкілдігінің жауапты маманы Гүлмира Ілесбайқызы төрелік еткен жарысқа 6 топ, 36 шәкірт қатысып, білімдері мен өнерлері арқылы сайысқа түсті. «Әйелдерге арналған 30 хадис» интелектуалды-рухани жарыс 4 кезеңнен тұрды.
1-кезең. «Кел танысайық» кезеңі. Бұл кезеңде шәкірттер топтың атын қойып, өз топтарының атына байланысты макет (плакат) дайындауды тапсырма ретінде алды. Бұл кезінде барлық қатысушыларды таныстыру қажет. Форматын әр топ өзі таңдайды. Шәкірттер өлең шумақтарын шығарып, видеоклип арқылы таныстырылып, топтың креативтілігі бағаланды.
2-кезең. «Бәйге» кезеңі. Хадистерге байланысты тест сұрақтарына жауап беру. Тестілеу «Kahoot» бағдарламасы арқылы өтті. Шәкірттердің дұрыс және жылдам жауап беруі бағаланды.
3-ші кезең. «Ойлан, тап» Ұяшықта шыққан кілттік сөздер арқылы сол хадисті тауып, мәтінін толық жатқа айту. Топтың әрбір қатысушысы қатысты.
4-ші кезең. «Үй тапсырмасы» Әр топ өз командасымен бірге 30 хадистің ішінен 1 хадис таңдайды, және сол хадиске арнайы көрініс не қысқаметражды кино дайындайды.
Интелектуалды сайыста 4 кезең бойынша ең жоғарғы балл жинаған 3 топ:
1. «Хадиша» тобы - 1 ші орын
2. «Айша» тобы - 2 ші орын
3. «Құранға ғашық жүректер» тобы - 3 ші орын иеленіп, жүлделі сыйлықтармен марапатталды.
Сондай-ақ, ынталандыру үшін қалған 3 топқа жұбаныш сыйлығы мен мадақтама табысталды.
Алматы Орталық мешітінің баспасөз қызметі
Тақырып бойынша жаңалықтар
Қызықты тақырыптар
Намаз уақыттары 
