«АҚСАЙ» МЕШІТІНДЕ РУХАНИ ІС-ШАРА ӨТТІ

Алматы қаласы, Әуезов аудандық «Ақсай» мешітінде «Жүректер Алланы еске алумен тыныштық табады» атты мешіт шәкірттеріне арналған рухани іс-шара өтті.
Іс-шараның ашылуында «Ақсай» мешітінің бас имамы Серікхан қажы Рымханұлы сөз сөйлеп, жиналған шәкірттерге Алланы еске алудың жүрекке беретін тыныштығы жайлы насихат айтты. Одан кейін Алматы Орталық мешітінің наиб имамы Қуаныш Тоқсанбайұлы «Құран – Алланың сөзі» тақырыбында әсерлі уағыз айтты.
Шара барысында «Сұрақ-жауап» айдары ұйымдастырылып, шәкірттер өздерін толғандырған діни сұрақтарына жауап алды. Сонымен қатар қатысушыларға Қазақстан мұсылмандары діни басқармасы мақұлдаған 30-ға жуық Құран кәрім кітабы сыйлық ретінде таратылды.
Жиын соңында шәкірттер ұстаздарға алғыстарын айтып, ризашылықтарын білдірді.