«ӨТКЕНГЕ ҚҰРМЕТ - ТІРІГЕ МІНДЕТ» ЗИРАТҚА ТАЗАЛЫҚ ШАРАСЫ ӨТТІ
Алматы қаласы, Әуезов ауданында «Өткенге құрмет – тіріге міндет» республикалық зираттарды тазалау акциясы жоғары деңгейде ұйымдастырылып өтті.
Аталған игі шараға Әуезов ауданындағы мешіттердің имамдары, мешіт қызметкерлері және ерікті жастар белсенді түрде қатысып, зираттарды тазалау, абаттандыру және ретке келтіру жұмыстарына атсалысты.
«Жұмыла көтерген жүк жеңіл» демекші, бір мақсатқа жұмылған азаматтардың еңбегінің нәтижесінде зират аумағы қоқыстан тазартылып, көркейту жұмыстары жүргізілді.
Іс-шара Қазақстан мұсылмандары діни басқармасының жылдық жоспарына сәйкес ұйымдастырылып, ата-баба рухына құрмет көрсету, қорымдарды таза ұстау және жастарды ізгілікке тәрбиелеу бағытындағы маңызды бастамаға айналды.
Алла Тағала барша қатысушылардың жасаған игі амалдарын қабыл етіп, еңбектеріне сауаптан жазсын!
Тақырып бойынша жаңалықтар
Қызықты тақырыптар
Намаз уақыттары 
