«ӘЛМЕРЕК» МЕШІТІНДЕ ҚОС ТАҚЫРЫПТА СЕМИНАР ӨТТІ
Алматы қаласы Түрксіб ауданындағы Әлмерек мешітінде отбасы құндылықтарын дәріптеуге арналған «Әке – отбасының тірегі» және «Аталар мектебі жастарға насихат» атты тағылымды семинар өтті.
Іс-шараға Алматы Орталық мешітінің найб имамы Бекзат Оқапұлы қатысып, әкенің отбасындағы орны мен жауапкершілігі туралы кеңінен насихат жұмыстарын жүргізді. Семинар барысында отбасының береке-бірлігі, ер азаматтың шаңырақтағы міндеті, бала тәрбиесіндегі әкенің рөлі және ұрпаққа үлгі болудың маңызы жөнінде мазмұнды ойлар айтылды. Әкенің әрбір ісі мен сөзі бала тәрбиесіне тікелей әсер ететініне тоқталып, ер азаматтарды отбасының ынтымағы мен тәрбиесіне жауапкершілікпен қарауға шақырды.
Сонымен қатар «Аталар мектебі жастарға насихат» атты тақырыбында» мешіт ақсақалдары жастарға өнегелі өмірімен бөлісіп тағылымды насихат айтты. Қатысушылар өздерін толғандырған сұрақтарын қойып, отбасы тәрбиесіне қатысты пікір алмасты. Отбасы – қоғамның негізгі тірегі. Ал сол шаңырақтың берекесі мен тәрбиесінде әке мен атаның орны айрықша. Осындай тағылымды кездесулер ер азаматтардың отбасылық жауапкершілігін арттырып, ұлттық және діни құндылықтарды дәріптеуге бағытталған маңызды шаралардың бірі болып табылады.
Қызықты тақырыптар
Намаз уақыттары 
