АЛМАТЫДА ҚҰРБАН АЙТ МЕРЕКЕСІ ЕРЕКШЕ ТОЙЛАНДЫ
Құрбан айттың соңғы күні «Нұр Мүбәрак» мешітінің ауласында Құрбан айтқа арналған ауқымды мерекелік шара өтті. Қаланың бас имамы Төлеби Дәділұлы қатысып, жамағатқа Бас мүфти Наурызбай қажы Тағанұлының құттықтауын жеткізді.
«Нұр-Мүбарак» мешітінің ауласында ұйымдастырылған мерекелік шарада Бас мүфти үндеуіне қолдау білдірген қала имамдары мен ұстаздар, әйел жамағаты ұлттық киіммен айт мерекесін көтеріңкі көңіл-күймен әспеттеді. Ұлттық нақыштағы толағай мерекеде дәстүрлі әндер шырқалып, спорттық ойындар, ұлттық әсем киім байқауы ерекше әсер қалдырды. Қала тұрғындары атпен серуендеп, алтыбақан теуіп, ұлттық дәмдер қойылған жәрмеңкелерге қатысты. Арнайы дайындалған мерекелік ас 300 адамға таратылды. Ұлық мереке соңында балаларға сыйлықтар табысталып, айттан айтқа амандық пен саулықта жетуге бата жасалды.
Осылайша айт күндері құрбандық шалумен қатар, мерекені ұлттық дәстүрімізге сай түрлі іс-шаралармен өткізіп, қала тұрғындарына көтеріңкі көңіл-күй сыйланды.
Алматы өкілдігі бойынша баспасөз қызметі
Тақырып бойынша жаңалықтар
Қызықты тақырыптар
Намаз уақыттары 
.jpg)
