АЛМАТЫДА «HALAL EXPO-2025» ХАЛЫҚАРАЛЫҚ КӨРМЕСІ БАСТАЛДЫ
Алматы қаласында ҚМДБ «Халал Даму» стандарттау және сертификаттау мекемесінің ұйымдастыруымен «HALAL EXPO-2025» халықаралық көрмесі басталды. Көрменің ресми ашылуына Қазақстан мұсылмандары діни басқармасының төрағасы, Бас мүфти Наурызбай қажы Тағанұлы арнайы қатысты.
«Халал индустриясы бүгінде тек мұсылман қауымына ғана емес, бүкіл адамзат үшін адалдық пен тазалықтың белгісіне айналды. Бұл көрме – кәсіпкерлердің, ғалымдардың, технологтар мен тұтынушылардың басын қосып, тәжірибе бөлісуге, жаңа серіктестік орнатуға және адал өнімдер нарығын кеңейтуге жол ашатын маңызды алаң.
Қазақстан мұсылмандары діни басқармасы халал саласының дамуына, сапалы әрі сенімді өнімдерге деген сұраныстың артуына үнемі үлес қосып келеді. Өйткені халқымыздың амандығы мен тұтынған асының адалдығы – біздің ең басты міндетіміз»,- деп атап өтті Наурызбай қажы Тағанұлы.
Сондай-ақ Бас мүфти салтанатты рәсімде үздік халал кәсіпорындар мен қызметкерлерді арнайы марапаттады. Одан бөлек бірқатар құрметті қонақтар, шетелдік меймандар сөз сөйлеп, көрменің маңыздылығына тоқталды.
Айта кетейік, екі күнге созылатын көрмеге «QMDB Halal» таңбасымен халал өнім өндіретін отандық кәсіпкерлермен бірге Қырғызстан мен Өзбекстан, Ресей мен Татарстан, Беларусь пен Моңғолия, Индонезия мен Малайзия мемлекеттерінен келген 100-ге жуық кәсіпорынның өнімдері (ет, құс, сүт, балық, бал, май өнімдері, жартылай дайын және кондитерлік өнімдер, Халал косметикалар, шұжықтар, БАД, тағам қоспалары, гигиеналық заттар, жуғыш заттар, фаст-фудтар, балмұздақтар, сусындар, т.б.) қойылған. Көрме Алматы қаласының «Бақшасарай» қабылдау үйінде өтіп жатыр. Шара аясында халал саласына қатысты семинар-тренингтер өтеді.
Тақырып бойынша жаңалықтар
Қызықты тақырыптар
Намаз уақыттары 
.jpg)
.jpg)
.jpg)
.jpg)
