Алматыда «АДАМЗАТТЫҢ АСЫЛЫ – МҰСТАФА» атты онлайн мәуліт кеші өтеді
Құрметті отандастар! Қадірлі мұсылман бауырлар!
Қазақстан мұсылмандары діни басқармасы және ҚМДБ-ның Алматы қаласы өкілдігінің ұйымдастыруымен, 2020 жылдың 22 қараша күні сағат 19:00-де, Алматы қаласында Пайғамбарымыздың (с.ғ.с.) туған айына арналған «АДАМЗАТТЫҢ АСЫЛЫ – МҰСТАФА» атты рухани онлайн мәуліт кеші өтеді.
- Бұл кеште ақын, сазгер Жәкен Омаров екі жылдан бері эксклюзив деп танылған қазақша мәуліттің үшінші бөлімін жырлайды.
- «Өнер қырандары» әзіл-сықақ театры мен Ғабит Мүсірепов атындағы Қазақ мемлекеттік балалар мен жасөспірімдер театры арнайы әзірлеген ғибратты қойылымдарын ел назарына ұсынады.
- Елімізге танымал Райым Уайыс, Сержан Али, Ерген Айтымбетов, Жасұлан Жасұлан Мұсағали сынды өнер жұлдыздары Пайғамбарымызға (с.ғ.с.) арнаған жаңа әндерін тарту етіп, терме орындалады.
- Ең бастысы, рухани кеште Құран оқылып, салауаттар айтылады.
- Сондай-ақ биылғы мәуліт кешінің тақырыбына орай, Пайғамбарымыздың (с.ғ.с.) ғибратты ғұмыры мен тәлімгерлік тағылымы баяндалған «Адамзаттың асылы – Мұстафа» атты жаңа кітап оқырманға жол тартпақ.
Ескерте кететін жайт, мәуліт кеші Azan.kz сайтының Youtube каналы мен Azan.kz_1 instagramm әлеуеттік желі парақшасында тікелей эфирде көрсетіледі.
Онлайн мәуліт кешін мына сілтемелер арқылы тамашалай аласыздар:
Azan.kz youtube каналының сілтемесі:
https://www.youtube.com/watch?v=YwI9MSeB2lo&feature=youtu.be
Azan.kz_1 instagram парақшасының сілтемесі:
https://www.instagram.com/azan.kz_1/?hl=ru
Алматы Орталық мешітінің баспасөз қызметі
Қызықты тақырыптар
Намаз уақыттары 
.jpg)
.jpg)
.jpg)
.jpg)
