АЛМАТЫ ТҰРҒЫНДАРЫ ҚАЖЫЛЫҚҚА АТТАНДЫ
ҚМДБ Төрағасы, Бас мүфти Наурызбай қажы Тағанұлының тапсырмасымен Алматы қаласының бас имамы Төлеби Оспан Алматы халықаралық әуежайында қажылыққа аттанған қала тұрғындарын қасиетті мекенге шығарып салды.
Шығарып салу рәсімінде шаһардың бас имамы Төлеби Оспан қажылармен жүздесіп, Бас мүфти Наурызбай қажы Тағанұлының ыстық сәлемін жеткізді. Сондай-ақ бесінші парыздың исламдағы орны мен маңызы туралы айтты. «Ислам дінінің бес негізінің бірі – қажылық жасау. Бұл құлшылық қаражаты мен денсаулығы көтеретін мұсылманға парыз. Құран Кәрімде: «Алла разылығы үшін Қағбаны зиярат етіп, (қажылық қылу) жолына (қаражаты мен денсаулығы) шамасы келгендерге парыз...», - деген аят бар. Қажылықтағы әрбір құлшылықтың астарынан сабақ болар сыр, дәріс берер даналық бар. Нағыз қажы әрбір қажылықтың парызынан бастап сүннетіне дейінгі амалдардың сырын ұғынуға және сабақ алуға талпынуы тиіс. Баршаңызға ұлы сапарда амандық-саулық тілеймін», - деді бас имам.
Айта кетсек, 2025 жылы 4500 отандасымыз қажылық парызын өтеуге аттанады. Оларға лицензиясы бар 15 қажылық компаниясы қызмет көрсетеді. ҚМДБ жанынан құрылған Қазақстан Қажылық миссиясы ұйымдастыру-үйлестіру, алғашқы медициналық көмек, уағыз-насихат, пәтуа беру және ақпарат тарату сынды бес бағытта қажыларға қызмет көрсететін болады.
Алматы өкілдігі бойынша баспасөз қызметі
Тақырып бойынша жаңалықтар
Қызықты тақырыптар
Намаз уақыттары 
.jpg)
.jpg)
.jpg)
.jpg)
