Алматы: Өкіл имам Жетісу ауданы мешіттерінің тыныс-тіршілігімен танысты
Жұма күні Алматы қаласының өкіл имамы Еркінбек қари Керімбекұлы Жетісу ауданы мешіттерінің тыныс-тіршілігімен танысты.
Өкіл имам, ең алдымен, құрылыс жұмыстары жүріп жатқан «Әмин» және «Нәби» мешіттеріне ат басын бұрды.
Сосын «Әли-Мұхаммед» мешіті жанынан ашылған Құран жаттау орталығының шәкірттерімен кездесді. Оларға Құран Кәрімнің қасиеті мен Құран жаттаудың сауабы туралы айтып, білім жолына сәт-сапар тіледі.
Одан кейін «Әли-Мұхаммед» мешіті жамағатымен жүздесіп, жұма уағызын айтты.
Өкіл имам өз сөзінде, жұма тақырыбына сай, исламдағы аманат ұғымына кеңінен тоқталып, аманатқа адал болудың тікелей имандылықпен ұштасып жатқан дүние екенін жеткізді. Ал, аманатқа қиянат жасау – екіжүзділіктің, имансыздықтың, опасыздық белгісі екені айдан анық. Сондықтан да Өкіл имам жамағатты аманатшыл болуға шақырды.
Сондай-ақ, Өкіл имам жамағатты Алғыс айту күнімен құттықтап, адам баласы үнемі шүкіршілік айтып жүру керектігін айтты. Осы орайда Пайғамбарымыздың (оған Алланың игілігі мен сәлемі болсын) «Адамдарға алғыс айтпаған, Аллаға да шүкірлік айта алмайды» деген хадисін тілге тиек етіп, жақсылыққа жақсылық жасап, алғыс білдіру – адамдық борыш екенін ұқтырды.
Соңынан Жұма намазы оқылып, марқұмдарға Құран бағышталды. Қарияларымыз ел-жұртымызға, мешіт жамағатына қол жайып дұға жасады.
Алматы қаласы Орталық мешітінің баспасөз қызметі
Қызықты тақырыптар
Намаз уақыттары 
.jpg)
.jpg)
.jpg)
.jpg)
