Алматы: Бас мүфти қайырымдылық шарасына қатысты
Бүгін, ҚМДБ Төрағасы, Бас мүфти Наурызбай қажы Тағанұлының қатысуымен, Алматы Орталық мешітінде «Қайырымдылық жасасаң, қайырын өзің көресің» қайырымдылық марафоны өтті.
Бұл қайырымдылық марафоны аясында мүмкіндігі шектеулі балалары бар 100 отбасыға азық-түлік себеттері табысталды.
Игі шара барысында Бас мүфти әлеуметті қасиетті Рамазан айымен құттықтап, дініміздегі жақсылық жасаудың маңыздылығы мен әлсіздерге қамқор болудың сауабы жайында айтты. Қасиетті айда Алла елшісінің қайырымдылық жасауда ескен желдей болып кететін дархан мінезін көпке үлгі етіп, баршаны қолы ашық жомарт болуға, айналамызға қуаныш пен шуақ шашып жүруге шақырды. Сондай-ақ, еліміздегі мүмкіндігі шектеулі жанжардың көңілдерін аулап, олардың өмірге деген құлшынысын арттыруға, сол арқылы қайырымды қоғам құруға үндеді.
Қайырымдылық себеттері мұқтаж жандардың үйлеріне имамдар мен еріктілердің көмегімен арнайы көліктерде жеткізіп берілді.
Интересные материалы
Время намаза 
