Алматы: Бас мүфти «Берекелі Рамазан сыйы» қайырымдылық шарасына қатысты
Бүгін, ҚМДБ Төрағасы, Бас мүфти Наурызбай қажы Тағанұлының қатысуымен, Алматы Орталық мешітінде өткен «Беркелі Рамазан сыйы» атты қайырымдылық шарасы аясында қайтыс болған дін қызметкерлерінің отбасына және көше тазалықшыларына көмек көрсетіледі.
Жалпы 400 отбасыны азық-түлікпен қамтыған бұл игі шарада Бас Мүфти Отан мен дінге қызмет етудің, адал еңбек пен адал табыстың маңыздылығына тоқталды. Елімізде асыл дініміздің дамуына үлес қосқан дін қызметкерлерінің отбасына алғыс білдіріп, көше тазалықшыларының қызметіне жоғары баға берді. Алла Тағала тазалықты сүйетінін және адал еңбекпен табыс тапқан адамның өмірінде береке болатынын айтты. Сондай-ақ, сауаптар еселенетін қасиетті айда қайырымдылық шарасын өткізуге атсалысқан барлық жомарт жандар мен еріктелерге алғыс білдірді.
Азық-түлік себеттері имамдар мен еріктілердің көмегімен арнайы көліктерде барлық отбасының үйлеріне жеткізіп берілді.
Интересные материалы
Время намаза 
