АРМАН ҚУАНЫШБАЕВ ОРТАЛЫҚ МЕШІТТЕ ЖҰМА УАҒЫЗЫН АЙТТЫ
![](/media/images/66c8a9e3ad8ee.jpg)
Бүгін РАНТ мүшесі, ұстаз Арман Қуанышбаев Алматы қаласының Орталық мешітінде жұма уағызын айтты.
Жұманың кезекті «Жат ағым жарға жығады» тақырыбында айтқан уағызында: «Алла Тағала адамдарға тура жолды нұсқап, адасушылықтан құтқару үшін әр қауымға пайғамбарлар жіберіп, кітаптар түсірді. Адамзат нәпсілік қалауларына ерік беріп, тура жолдан ауытқыған сайын Жаратушы тарапынан оларға ескертуші Елші келіп отырды. Өйткені тура жолда болып, адасушылықтан сақтану – адам баласының бұл дүниеде дұрыс өмір сүруіне, ақыреттік бақытқа қол жеткізуіне ықпал ететін негізгі себеп», - деп, жастарға жат ағымнан сақтану қажетілігін түсіндірді.
Жұма намазынан кейін Алматы Орталық мешітінің бас имамы Төлеби Оспан,мешіт имамдары мен ақсақалдар жамағатпен бірге дұға жасап, Алла Тағаладан еліміз бен жеріміздің тыныштығын, амандығын тіледі.