«АТА ЗАҢ - ЕЛ ТІРЕГІ» КОНСТИТУЦИЯ КҮНІНЕ ОРАЙ СЕМИНАР ӨТТІ
Бүгін Алматы қаласының бас имамы Төлеби Дәділұлы Конституция күніне орай «Ата заң - ел тірегі» тақырыбында семинар өткізді.
Медеу ауданы «Омар ибн әл-Хаттаб» мешітінде өткен семинарға 8 аудан имамдары мен Медеу ауданына қарасты мешіт имамдары қатысты. Шаһардың бас имамы Төлеби Дәділұлы: «Ата Заңымыздың алғашқы бабында айқын жазылғандай, мемлекеттің ең қымбат қазынасы – адам және оның өмірі, құқықтары мен бостандықтары. Тегіне, нәсіліне, ұлтына, тілі мен дініне байланысты ешкімді кемсітуге болмайды. Өйткені, Конституция бойынша адамның қадір-қасиетіне қол сұғылмайды. Сондықтан да бір шаңырақ пен ту астын мекен еткен халықтың тірегі һәм сүйеніші болған Ата заңға құрмет – ұлт болашағы үшін де аманатты іс болмақ», - деп атап өтті. Әрбір азаматты ұлт бірлігі мен тыныштығы, бейбітшілігі мен игілігін, ар-ожданы мен діни сенімін жоғары қойып, адамгершілік құндылықтарға нұқсан келтірмеуге шақырды. Мерекемен құттықтап: «Алла Тағала еліміздің тәуелсіздігін баянды етіп, халқымыздың бірлігі мен ынтымағын арттырып, жақсылығы мен берекесін жаудырғай. Ел аман, жұрт тыныш болғай! Әмин!», - деді бас имам.
Алматы Орталық мешітінің баспасөз қызметі
Тақырып бойынша жаңалықтар
Қызықты тақырыптар
Намаз уақыттары 
.jpg)
.jpg)
.jpg)
.jpg)
