АБАЙ ҚҰНАНБАЙҰЛЫ МЕШІТІНІҢ ЖАНЫНАН «ДІН МЕН ДӘСТҮР» ОРТАЛЫҒЫ АШЫЛДЫ
![](/media/images/66cc52ac87477.jpg)
Алматы қаласы, Жетісу ауданы Абай Құнанбайұлы мешітінің жанынан «Дін мен дәстүр» орталығы ашылды.
Ашылу салтанатына Алматы қаласының бас имамы Төлеби Дәділұлы арнайы қатысып, сөз сөйледі. Бас мүфти Наурызбай қажы Тағанұлының ыстық сәлемін жеткізіп, әйелдер жамағатын орталықтың ашылуымен құттықтады. Одан өзге қалалық мешіттердің әйел ұстаздары қонақ болып, орталықтың қызметіне сәттілік тіледі. «Дін мен дәстүр» орталығының негізгі мақсаты ұлттық құндылықтарымызды насихаттап, имани тәрбие көздерін дамытуға ат салысып, жандандыру», - деп атап өтті ҚМДБ «Әйел-қыздар» секторы Алматы қаласы бойынша жауапты маманы Гүлмира Ілесбайқызы. Айта кетсек, алдағы уақытта орталықта білікті ұстаздар мен мамандардың жетекшілігімен әжелер мектебі, отбасы институты жұмыс жасап, ұлттық болмысымызды жаңғырту қолға алынбақ.
Алматы өкілдігі бойынша баспасөз қызметі