Еврей ұлы Джад қалай Исламды қабылдады?
Басы
50 жылдай бұрын Францияда Ибрагим есімді қарт түрік тұрған, оның шағын азық-түлік дүкені болыпты. Бұл дүкен бір пәтерінде еврей жанұясы тұратын ғимаратта орналасқан екен, ол жанұяда жеті жасар Джад есімді ұл болған.
Кішкентай Джад Ибрагим ағаның дүкеніне өз жанұясына қажетті тамақ алу үшін күнде келетін. Әр кез дүкеннен кеткенінде Джад ақырындап шоколадтың кішкентай кесегін жымқырып кетіп отырған. Бір күні дүкеннен кетіп бара жатып, бір себептермен ол шоколадты алмайды, Ибрагим сатушы оның есіне түсіріп, оған шоколадтың кесегін ұсынады! Джад таңқалып әрі ұялып қалды, өйткені ол Ибрагим аға оның күнделікті жасап жүргендерін біліп қояды деп ойламап еді. Ол сатушыдан оны кешіруін өтінеді, енді ешқашан оның дүкенінен сұраусыз түк алмайтынына уәде етеді.
Онысына Ибрагим аға былай жауап берді:
«Жоқ, енді өміріңде ешқашан еш нәрсені сұраусыз алмаймын деп уәде бер, сол үшін менен күнде шоколад алуыңа болады».
Әрине, бұндай ұсыныстан Джад өте бақытты болады. Бірнеше жылдан соң еврей бала мен қарт түріктің достасып кеткендері сондай, Ибрагим аға балаға екінші әкесіндей болып кетеді. Егер Джадтың мәселелері болса, ол Ибрагим ағаға келіп, оған айтып әрі кеңес сұрайтын. Әр кез Джад өз әңгімесін бітіре бергенде, Ибрагим аға әлдебір кітапты алып, Джадқа оның кез-келген бетін ашуын сұрайтын. Бала кітапты ашқанда, Ибрагим аға кітаптың екі бетін оқитын, да Джадтың мәселесінің шешімі табылатын. Бала одан әрқашан қуанышты болып кететін, оны қысқан нәрсе кетіп, жаны жай табатын, себебі оның келеңсіздіктері шешілетін.
Жылдар өтті, бұндай қарым-қатынас – білімсіз қарт мұсылманның білімді жанұядан шыққан жас жігітке ақыл беруі – қалыптаса берді. Джад 24-ке келгенде, Ибрагим аға 67 жасында бақилық болады.
Ибрагим қайтыс болды, бірақ өлерінің алдында балаларына бір қорапты Джадқа берулерін өтінеді. Бұл қорапқа ол Джад оның кеңестерін сұрағанда, әр кез ашатын кітапты салып қойған екен.
Джадқа Ибрагим ағаның өлімін естірткенде, ол қатты қапаланады. Оның досы әрі ақылшы адамы қайтыс болды, оған біреу көмектесе алар деп үміттенбегенде, ол оған әр кез болысатын еді.
Уақыт өтті…
Бірде Джадта тағы да мәселелер туындағанда, ол Ибрагим ағаның балалары берген сыйлықты есіне алды. Ол қорапты ашып, дәл сол кітапты табады, оны Ибрагим оған көмек керек болғанда әр кез ашатын еді! Джад кітапты ашты, бірақ ол араб тілінде жазылғандықтан, ол оны оқи алмады. Сонда ол өзінің Тунистен келген досына барады да осы кітаптің кез-келген екі бетін оқып беруін сұрайды, әдетте ол үшін Ибрагим аға солай жасайтын. Досы да солай жасайды, нәтижесінде Джадтың мәселесі тағы да шешіледі! «Бұл неткен керемет кітап?», - деп сұрайды таңқалған Джад, сонда оның досы-араб былай жауап береді: «Бұл Құран, мұсылмандардың қасиетті кітабы». Сонда Джад:
«Мен де мұсылман болғым келеді! Қалай болуға болады?», - деп саңқ етеді.
Досы оған түсіндіріп береді: «Айт, құлшылыққа лайық Жалғыз Құдай (Алладан) басқа ешкім жоқ және Мұхаммед – Оның Елшісі, Алла Өз заңында (шариғатта) адамдарды үйреткендердің бәрін ұстан». Джад оның соңынан қайталады: «Алладан басқа Құдайдың жоқ екендігіне және Мұхаммед – Оның құлы әрі Елшісі екендігіне куәлік беремін».
Мұсылман Джад
Сонымен, Джад мұсылман болды, өзіне ДжадуЛлах әл-Қурани деген жаңа есім алады. Ол ұлы кітапқа деген өзінің құрметін көрсету үшін осындай есім таңдады, қалған өмірін осы қасиетті кітапқа қызмет етіп өткізбек болып шешті. Ол талаптанып араб тілін үйреніп алды және Құраның мағынасын түсінуге тырысты. Кейін ол Еуропада адамдарды Исламға шақыру жұмысын бастады, оның көмегімен көп адамдар Исламды қабылдаған. Ол 6 мың-дай еврей мен христиандарды Исламға кіргізген деп саналады. Бір күні ескі қағаздарын қарап отырып, ол Ибрагим ағадан сый болып келген Құранды қайтадан ашты. Кітаптың бас жағынан ол әлем картасын көрді, Африка континенті бейнеленген жерде Ибрагим ағаның қолымен жазылған жазу бар еді. Бұл Құранның аяты болатын:
«Адамдарды Раббыңның жолында даналық және көркем үгіт арқылы шақыр» (16: 125)
ДжадуЛлах бұны Африкаға барып, адамдарды Исламға шақыру керек деген белгі деп шешеді. Ол Еуропадан кетіп, адамдарды Аллаға шақыру үшін Кенияға, Оңтүстік Суданға және Угандаға жол тартады. Оның сол жерде жұмыс істегені кезінде алты миллионнан артық адам Исламды қабылдаған деп саналады.
Оның өлімі
ДжадуЛлах әл-Қурани нағыз мұсылман, Алланың қызметшісі, өмірінің 30 жылын Исламды таратуға арнаған, Африканың оқшауланған жерлеріндегі адамдарды Алланың заңдарын ұстануға шақырған. Оның қызу еңбегінен соң миллиондаған адамдар Исламды қабылдаған... ДжадуЛлах әл-Қурани 2003 жылы көптеген аурулардан көз жұмады, оларды ол адамдарды шынайы дінге еруге шақырып жүргенде Африкада жұқтырған еді. Сол кезде ол 54 жаста болатын.
Бұнымен оқиға аяқталмайды…
Джадтың анасы иудаизмның жанкешті ерушісі болатын, сондай-ақ, өте білімді әйел, университетте оқытушы болған. Ол Исламды 2005 жылы, ұлының өлімінен соң екі жылдан кейін, 70 жасында қабылдайды. Өмірінің 30 жылын ұлын иудаизмге қайтару үшін жібергенін мойындаған. Өзінің білімділігіне және адамдарды сендірудегі шеберлігіне қарамастан, ол өз ұлын Ибрагим ағаның - қарапайым білімсіз адамның қол жеткізгенінен – оның ұлының жүрегін Исламға қаратып алғанынан, қайтара алмаған. Сөйтіп, ақырында, бұл діннің шынайы екендігін мойындаған.
Сонымен, неге Джад Исламды қабылдады?
Джад айтатын, олардың 17 жыл достығы кезінде Ибрагим аға ешқашан оған: «Сен қателескенсің», «Сен еврейсің», сен Исламды қабылдау керексің, әйтпесе Тозақта боласың немесе тағы соған ұқсас нәрселерді бір де бір рет айтпаған екен. Ойлап қараңызшы, 17 жыл бойы ол ешқашан ұлмен әртүрлі діндер туралы және Исламды иудаизммен салыстыру туралы әңгімелеспеген! Алайда осы қарт білімсіз адам баланың жүрегін Исламға тарта білген.
Бір жиналыста Джадтан оның жұмысының арқасында бірнеше миллион адамның Исламды қабылдағанын біле отырып, оның не сезінетінін сұраған. Ол ешқандайда мақтанбайтынын және бұл оның жұмысы екендігін сезінбейтінін, өйткені бұл Алла Тағаланың мейірімі, сондай-ақ, бұл Ибрагим ағаның оған еткен таңғаларлық ықпалының нәтижесі деп жауап берген.
Ислам ғалымы, д-р Сафуат Худжази Лондондағы конференцияда Судандағы жағдайды – мұқтаж мұсылмандарға қалай қолдау көрсету, оларды христиан дініне кіргізіп алудан қалай сақтау керектігі жөніндегі мәселелерді талқылап жатқанда – ол Африка тайпасының бір көсемін кездестіргенін айтқан. Кездесу кезінде доктор әлгі көсемнен сұрайды: «Сіз доктор ДжадуЛлах әл-Қураниді білмеп пе едіңіз?» Бұл есімді естіген көсем орнынан тұрып, доктор Худжазиден: «Сіз ол адамды біліп пе едіңіз?» деген қарсы сұрақ сұрайды. Доктор Худжази: «Ия, біз Швейцарияда кездескен едік, ол емдеу курсын өтіп жүрген болатын» деп жауап береді. Осы кезде көсем қатты қуанып кетіп, доктор Худжазидің қолын алып, сүйіп алады. Ғалым таңқалып: «Сіз не істеп жатырсыз, мен бұндай құрметке ие емеспін», - дейді. Көсем оған:
«Мен сіздің қолыңызды емес, мен доктор ДжадуЛлах әл-Қуранидің қолын қысқан адамның қолын сүйдім» - деп жауап береді.
Ғалым одан қайтадан сұрайды: «Сіз Исламды доктор ДжадуЛлах әл-Қурани арқылы қабылдадыңыз ба?». Көсем оған:
«Жоқ, мен ДжадуЛлаха әл-Қурани (оған Алланың рақымы болсын) Исламға кіргізген адамдардың бірінен қабылдадым» - деп жауап береді.
ДЕРЕККӨЗІ: Islamconverts.wordpress.com
 Предыдущий |
Следующий |
| Уақыттың қадірін біліп жүрсіз бе? | Пайғамбарымыз (оған Алланың игілігі мен сәлемі болсын) қай күні дүниеге келді? |
Намаз уақыттары 
