Рәтбек қажы атындағы аудитория ашылды

11.02.2021 1 312 0

Нұр-Мүбарак университетінде Қазақстан мұсылмандары діни басқармасының тұңғыш төрағасы Рәтбек қажы Нысанбайұлы атындағы аудитория ашылды.

Бұл жаңалық әсіресе студенттерге қуаныш сыйлады. Себебі жаңадан жасалған дәріс залы заманауи технологиялармен жабдықталған. Технологиялық «тақта» әрі Смарт-LED, кез келген шығармашылық мүмкіндікті жүзеге асырудың сан түрлі тәсілін қамтыған, ғаламтормен оңтайлы жұмыс істеу, ең бастысы жаңа дәрісті тез әрі тиімді жолмен үйренуге мүмкіндігі мол аудитория көпшілікті тәнті етті.

Су жаңа дәріс залының тұсауын ҚМДБ Төрағасы, Бас мүфти Наурызбай қажы Тағанұлы мен еліміздің тұңғыш бас мүфтиі Рәтбек қажы Нысанбайұлы қиып, алғашқы қадам жасап, шашу шашылды. Нұр-Мүбарак университетінің проректоры, доцент Қайрат Құрманбаев жаңа аудиторияның ерекшелігімен таныстырып, келген қонақтар университеттің ең алғашқы іргетасы қаланған 1993 жылғы тарихи сәттегі бейнематериалды тамашалады. Бас мүфти Наурызбай қажы Тағанұлы тарихтан тағылым алып, қарияларын құрметтеген елдің болашағы зор деген ризашылығын жеткізді.

Ректор, профессор Мухаммад әш-Шаххат бастаған зиялы топ тұңғыш бас мүфти Рәтбек қажы Нысанбайұлына ұстаздың орындығын ұсынып, абыз ақсақалға әрдайым университет есігі ашық екенін айтып, құрмет білдірді. Сексеннің сеңгіріне шыққан Рәтбек қажы Нысанбайұлы еліміздегі дін білімін ата-бабамыздың жолына сай білікті ғалымдар ұстауы керек деген сонау кеңестік кезеңдегі басты ұстанымын жандандырып отырған Нұр-Мүбарак университетінің ұжымына риясыз ризашылығы мен батасын берді.

Нұр-Мүбарак университетінің баспасөз қызметі

Оқырмандардың пікірі (0)

Қызықты тақырыптар

Рәтбек қажы Нысанбайұлы кітабының тұсаукесері өтті

ҚМДБ Төрағасы, Бас мүфти Наурызбай қажы Тағанұлының қатысуымен Алматыдағы Нұр-Мүбарак университетінде Діни басқарманың тұңғыш төрағасы Рәтбек қажы Нысанбайұлының «Пайғамбарлар тарихы» кітабының тұсаукесері өтті....

11.02.2021 2 080 0

Тәуелсіздіктің 30 жылдық мерейтойына арналған жұмыс жоспары талқыланды (ФОТО)

Елордада Бас мүфти Наурызбай қажы Тағанұлының төрағалығымен Тәуелсіздіктің 30 жылдық мерейтойына арналған арнайы жиын өтті. Мәжіліске Ақпарат және қоғамдық даму вице-министрі Марат Әзілханов, наиб мүфти Ершат қажы Ағыбайұлы, Аппарат басшысы Ғылымбек Жәдігерұлы, ҚМДБ бөлім меңгерушілері қатысты....

09.02.2021 2 720 0

Жастар ісі секторының қаңтардағы қарқыны

Қазақстан мұсылмандары діни басқармасы Уағыз-насихат бөліміне қарасты Жастар ісі секторы қаңтар айында республика бойынша көптеген іс-шараларға ұйытқы болды.

09.02.2021 1 455 0

Бас мүфти Қожа Ахмет Яссауи рухына құран бағыштады (ФОТО)

Киелі Түркістан облысына ресми сапармен барған Қазақстан мұсылмандары діни басқармасының төрағасы Наурызбай қажы Тағанұлы көне шаһарда XIV ғасырда әйгілі Әмір Темірдің пәрменімен салынған Қожа Ахмет Яссауи кесенесінде болып, ізгілік пен имандылықты насихаттауға сүбелі үлес қосқан ұстаз рухына қасиет...

08.02.2021 2 254 0

ҚМДБ Төрағасы киелі өңірдің жаңа келбетімен танысты (ФОТО)

Түркістан облысына ресми сапармен барған Қазақстан мұсылмандары діни басқармасының төрағасы Наурызбай қажы Тағанұлы жылдам қарқынмен дамып келе жатқан киелі өңірдің жаңа келбетімен танысты....

06.02.2021 1 321 0

Бас мүфти Арыстан баб кесенесін зиярат етті (ФОТО)

Бүгін Түркістан облысына ресми сапармен барған Қазақстан мұсылмандары діни басқармасының төрағасы Наурызбай қажы Тағанұлы Арыстан баб кесенесіне зиярат етіп, әйгілі ұстаз рухына қасиетті Құран аятын бағыштап, дұға жасады....

05.02.2021 2 972 0