Қызылорда: Құран оқудан облыстық жарыс өтті

04.02.2020 4 157 0

ҚМДБ-ның Қызылорда облысы бойынша өкілдігі, Жаңақорған аудандық мешіті және "Жаңарған Жаңақорған жастары" қоғамдық қорының ұйымдастыруымен Құран оқудан облыстық жарыс өтті.

Қазақстан мұсылмандары діни басқармасына 30 жыл толуына орай, «30 жылдық мерейтойға 30 игі шара» акциясы аясында өткен жарыста ҚМДБ-ның Қызылорда облысы бойынша Бас имамы Болатбек Ұласқанұлы қатысушыларға сәттілік тілей отырып, ұйымдастырушылар мен демеуші азаматтарға алғысын білдірді. Және де Нұр-Сұлтан қаласында өткен І республикалық медресеаралық Құран Кәрімді жатқа оқу жарысында «29-30-пара» аталымы бойынша бас жүлдені иемденіп, кіші қажылыққа жолдаманы жеңіп алған жерлесіміз Ж.Әлиакпарды жамағат алдында құттықтады.

Жаңақорғанда өткен тартысты сайыста облысқа қарасты қала, аудан мешіттерінен келген 50-ден астам үміткер Құран Кәрімді мәнерлеп және 2 парасын жатқа оқу бойынша додаға түсті.

Бағалау ережесіне сәйкес, үміткерлерге қазылар алқасы тарапынан үш сауал қойылып, шәкірттердің Құран аяттарын жаттау қабілеті, оқу мәнері және әуезділігі ескерілді. Қазылар алқасының шешіміне бойынша «Құран Кәрімді мәнерлеп оқудан» Р.Әлихан бірінші орынды жеңіп алса, ІІ орынды Н.Аююбай, ІІІ орынды М.Сұлтан мен Р.Өмірбектер иеленді. Ал «Құран Кәрімнің 2 парасын жатқа оқу» аталымы бойынша Н.Нәби, Қ.Мұқамбетқали, Ж.Жәпеков жүлделі І,ІІ,ІІІ орындарға лайық деп танылса, сайыстың басты жүлдесі – кіші қажылыққа жолдаманы Б.Біржанов қанжығасына байлады.

Байқау соңында жеңімпаздарға қаржылай сыйлықтар таратылып, барлық қатысушыларға алғыс хаттар мен ынталандыру сыйлықтары табысталды.

ҚМДБ-ның Қызылорда облысы бойынша өкілдігінің баспасөз қызметі

Оқырмандардың пікірі (0)

Қызықты тақырыптар

Шымкент имамдарының білімін жетілдіру орталығы ашылды (ФОТО)

Бүгін ҚМДБ төрағасы, Бас мүфти Серікбай қажы Ораз хазреттің тапсырмасымен Шымкент қаласының орталық мешіті жанындағы «Ақмешіт» қайырымдылық мекемесінде имамдарды кәсіби қайта даярлау және біліктілігін көтеруге арналған «Шымкент имамдарының білімін жетілдіру орталығы» ашылды....

04.02.2020 3 189 0

Абай Құнанбайұлының 175 жылдығына арналған іс-шаралар күнтізбесі

Абай Құнанбайұлының 175 жылдық мерейтойын дайындау және өткізу жөніндегі мемлекеттік комиссия отырысының 2019 жылғы 30 қазанда (№19-32-41.5 хаттама) бекітілген жалпыреспубликалық жоспары жарияланды. Жалпыреспубликалық жоспарда Абай Құнанбайұлының 175 жылдығына мерейтойлық монеталарды әзірлеу және шы...

03.02.2020 11 373 0

Елордада тұңғыш рет медреселер арасында Құран Кәрім жарысы өтті

Кеше елордадағы құлшылық ордасы «Ақмешітте» алғаш рет Республикалық медресеаралық Құран Кәрім жарысы өтті.

31.01.2020 4 302 0

ҚМДБ-30: Өзбекстан мүфтиі мерейтоймен құттықтады

Өзбекстан мүфтиі Осмонхан Әлімов Бас мүфти Серікбай қажы Оразға ҚМДБ-ның 30 жылдығына орай құттықтау хат жолдады. Ол Өзбекстан мен Қазақстан мұсылмандары діни басқармасы арасындағы достық қарым-қатынас туралы айта келе, ақ тілегін жеткізді....

29.01.2020 3 661 0