Жаңалықтар

Жаңалықтар Ел тынысы Елордада тұңғыш рет медреселер арасында Құран Кәрім жарысы өтті

Елордада тұңғыш рет медреселер арасында Құран Кәрім жарысы өтті

31.01.2020 4 303 0

Кеше елордадағы құлшылық ордасы «Ақмешітте» алғаш рет Республикалық медресеаралық Құран Кәрім жарысы өтті.

«Астана» медресесінің ұйымдастыруымен өткен айтулы сайысқа еліміздің 9 медресесінен 18 үміткер қатысты. Сайыс шартына сәйкес шәкірттер «29-30-пара» және «30-пара» аталымы бойынша сынға түсті. ІІ курста тәлім алатын шәкірттер тек 30-пара бойынша сұралса, ал, III курс шәкірттері екі пара бойынша да білімдерін көрсетті.

ҚМДБ төрағасының бірінші орынбасары, наиб мүфти Наурызбай қажы Тағанұлы Құран сайысының ашылу салтанатына арнайы қатысып, ізгі тілегін білдірді. Наиб мүфти жиылған жамағат пен қатысушы шәкірттерге қасиетті Құран Кәрімнің маңыздылығы мен мұсылман өмірінде алар орны жайында тұшымды насихат айтып, білім жолындағы шәкірттерге сәттілік тіледі.

Шәкірттердің білім деңгейін бағалап, сайысқа қазылық жасау жауапкершілігі ҚМДБ Діни білім жəне кадр даярлау бөлімінің меңгерушісі Бейбіт Мырзагелдиев, республикалық қарилар орталығының директоры Сәдуақас қари Сағындықұлы, «Әзірет Сұлтан» мешітінің наиб имамы Жұманазар қари Өсерханұлы және «Астана» медресесінің директоры Ибраһим Сматаевтарға жүктелді.

Сайыс ережесіне сәйкес, әрбір үміткер қазылар алқасы тарапынан қойылған үш сауалға жауап беріп отырды. Жарыс жеңімпазын анықтау барысында шәкірттердің Құран аяттарын жаттау қабілеті, оқу мәнері және әуезділігі ескерілді.

Сайыс соңында қатысушылар мен жеңіпаздар бағалы сыйлықтарға ие болды. «29-30-пара» аталымы бойынша бас жүлде «Әбу Ханифа медресе колледжінің» шәкірті Жәдігер Әлиәкбарға бұйырып, оған кіші қажылық жолдамасы берілді. Ал Жәдігермен иық тіресе сайысқа түскен Нұрдәулет Нәби («Астана медресе колледжі») жүлделі І орынға ие болса, ІІ орын «Сарыағаш медресе колледжінен» келген Айдын Маканға, ІІІ орын «Хибатулла Әт-Тарази медресе колледжінің» шәкірті Берікқан Қоңыратбаевқа бұйырды.

Сондай-ақ «30-пара» аталымы бойынша жүлделі І орынды жарыс қожайындары «Астана медресе колледжінің» шәкірті Нұрберген Хайриддин жеңіп алса, ІІ орынды «Әбу Ханифа медресе колледжінен» келген Қуаныш Сайдулла Қуаныш иеленді. Ал «Шымкент медресе колледжінің» шәкірті Азизбек Анартаев жүлделі ІІІ орынды қанағат тұтты.

ДЕРЕККӨЗІ Muslim.kz

Астана қаласы Әзірет Сұлтан мешітінің ресми сайты

Оқырмандардың пікірі (0)

Қызықты тақырыптар

ҚМДБ-30: Өзбекстан мүфтиі мерейтоймен құттықтады

Өзбекстан мүфтиі Осмонхан Әлімов Бас мүфти Серікбай қажы Оразға ҚМДБ-ның 30 жылдығына орай құттықтау хат жолдады. Ол Өзбекстан мен Қазақстан мұсылмандары діни басқармасы арасындағы достық қарым-қатынас туралы айта келе, ақ тілегін жеткізді....

29.01.2020 3 661 0

200 теңгелік монета айналымға шықты

Қазақстан Республикасының Ұлттық Банкі 28 қаңтарда 2020 жылғы үлгідегі 200 теңгелік монеталарды айналымға шығарады.

28.01.2020 4 172 0

Абай-175: "Иманғали" мешіті байқау жариялады

ҚМДБ-ның Атырау облыстық өкілдігінің ұйымдастыруымен Хакім Абайдың қара сөздерін жатқа оқудан ерікті жастар арасында облыстық сайыс өтеді.

28.01.2020 5 484 0

Бауыржан Әлиұлы Тараз қаласында дәріс жүргізді

Өткен аптада Жамбыл облысына арнайы ат артып келген ҚМДБ-ның Ғұламалар кеңесінің мүшесі, Нұр-Мүбарак университетінің докторанты, аға-оқытушы Бауыржан Алиұлы Тараз қаласының жамағатымен және медресе шәкірттерімен жүздесті. ...

27.01.2020 4 939 0