ҚЫЗЫЛ АЙМАҚ: Бас имам аудан имамдарына тиісті тапсырмалар берді (ФОТО)
Бүгін Алматы қаласының Бас имамы Еркінбек Шоқайдың ұйымдастыруымен эпидемиологиялық жағдай бойынша «қызыл» аймаққа көшуді ескере отырып, қала мешіттерінде жамағатпен намаз оқу мәселесіне қатысты аудан имамдарына арналған онлайн жиын өтті.
Онлайн жиынға Алматы қаласының Бас имамы Еркінбек Шоқай, аудан имамдары және Алматы қалалық орталық мешітінің дін қызметкері қатысты.
Бас имам бірінші кезекте қала тұрғындары арасында СОVID-19 коронавирус инфекциясының (бұдан әpi – C0VID-19) таралуының алдын алу мақсатында Алматы қаласының Бас мемлекеттік санитариялық дәрігері Жандарбек Бекшиннің 2021 жылдың 10 наурыздағы №9 қаулысында келген діни объектілердің жұмыс мәселесіне тоқталды. Қаулы 13 наурыздан бастап күшіне енетінін жеткізіп, қала тұрғындары мен мешітке келушілерді барынша сақтық шараларын сақтауға шақыру керектігін ескертті. Сондай-ақ, пандемиялық жағдайға байланысты қала мешіттерінде ұжымдық ic-шараларды өткізуге тиым салынатынын, уақытша жамағат намаздары оқылмайтынын, оның орнына карантиндік талаптарды сақтай отырып жекелеген құлшылықтарды өтеуге болатынын айтты. Мешітке келушілердің бетперде тағу, антисептик қолдану, дене қызуының 370-тан жоғары болмауы, намаз оқудағы арақашықтықты сақтау сынды мешітке кіріп-шығу ережелеріне тоқталды.
Сөз соңында бас имам аудан имамдарына тиісті тапсырмалар беріп, мешіттерде бекітілген карантиндік талаптарды қатаң сақтауға шақырды.
Алматы қалалық Орталық мешітінің баспасөз қызметі
МЕШІТКЕ КЕЛУШІЛЕРГЕ ҚОЙЫЛАТЫН КАРАНТИН ТАЛАПТАРЫ МЕН САҚТЫҚ ШАРАЛАРЫ
- Мешіттерде жамағатпен (бес уақыт намаз, жұма намазы, тарауық намазы) намаздар оқылмайды;
- Дене қызуы 370-ден жоғары, сондай-ақ тұмау және басқа да ауру белгілері бар адамдар мешітке келмеуі керек;
- Мешітке келушілер температура өлшейтін арнайы термометр (тепловизор) арқылы тексерілуі қажет;
- Мешітке кіруден алдын антисептикалық құралдарды пайдалану қажет;
- Мешіт имамдары және мешітке келушілер міндетті түрде бетпердемен жүруі керек;
- Мешіт ішінде ұзақ уақыт қалмау қажет. Мешітте болу ұзақтығы – 15 минут;
- Мешітте жамағат бір-бірімен қол алыспау қажет;
- Мешітке келушілердің арақашықтығы 2 метр болуы керек;
- Мешіт дәретханаларын қолдану барысында арақашықтықты және сантитарлық талаптарды сақтауы тиіс;
- Мешіттерде ауа алмасу жүйесі жақсы жүру үшін есіктерді ашып, желдетіп тұру қажет;
- Намаз оқитын, Құран бағыштайтын, неке қиятын залдарға күнделікті залалсыздандыру жұмыстарын жүргізу қажет.
Қызықты тақырыптар
Намаз уақыттары 
.jpg)
.jpg)
.jpg)
.jpg)
